നിരവധി ആരോഗ്യ ഗുണങ്ങളുള്ള ഒന്നാണ് വെണ്ണ. പല്ലുകളുടെയും എല്ലുകളുടെയും വളർച്ചക്ക് ഏറ്റവും മികച്ച ഭക്ഷ്യ വസ്തവാണിത്. കാത്സ്യം, വിറ്റാമിൻ എ, ഡി, ഇ, ബി12, കെ12 എന്നിവ ധാരാളം വെണ്ണയിലുണ്ട്.
രോഗപ്രതിരോധശേഷി വർദ്ധിപ്പിക്കാനും ശരീരത്തിലെ അണുക്കളെ നശിപ്പിക്കാനും ദിവസവും വെണ്ണ കഴിക്കുന്നത് വളരെ നല്ലതാണ്. ദഹനസംബന്ധമായ പ്രശ്‌നങ്ങൾ അകറ്റാനും വെണ്ണ സഹായിക്കും. ബീറ്റ കരോട്ടിൻ ധാരാളം അടങ്ങിയിരിക്കുന്നതിനാൽ കാഴ്ച്ചശക്തി വർദ്ധിപ്പിക്കുകയും കണ്ണിനെ സംരക്ഷിക്കുകയും ചെയ്യും. വെണ്ണയിൽ അടങ്ങിയിട്ടുള്ള ലിനോയിക് ആസിഡ് ക്യാൻസർ സാധ്യത തടയാനും സഹായിക്കുന്നു.
കുഞ്ഞുങ്ങളും മുലപ്പാൽ നൽകുന്ന അമ്മമാരും ഗർഭിണികളും നിർബന്ധമായും ദിവസവും അൽപം വെണ്ണം കഴിക്കണം. ഇത് മുലപ്പാൽ വർധിക്കാനും കൂടുതൽ ഉന്മേഷത്തോടെയിരിക്കാനും സഹായകമാണ്. ആർത്തവ സമയത്തെ വയറ് വേദന, നടുവേദന എന്നിവ അകറ്റാനും വെണ്ണ പ്രയോജനപ്രദമാണ്. ഉറക്കക്കുറവിനും മാനസിക സമ്മർദ്ദം കുറയ്ക്കുന്നതിനും വെണ്ണ ഉത്തമമാണെന്നും വിദഗ്ധർ പറയുന്നു.