ചണ്ഡീഗഡ്: അനധികൃത മണല് ഖനനവുമായി ബന്ധപ്പെട്ട കേസില് പഞ്ചാബ് മുഖ്യമന്ത്രി ചരണ്ജിത് സിങ് ചന്നിയുടെ അനന്തിരവന് ഭൂപേന്ദ്ര സിങ് ഹണിയെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തു.
ഹണിയെ ഇന്ന് കോടതിയില് ഹാജരാക്കും. നേരത്തെ നടത്തിയ പരിശോധനകളില് എട്ട് കോടി രൂപയും ഹണിയില് നിന്ന് പിടിച്ചെടുത്തിരുന്നു. അനധികൃത മണല് ഖനനം സംബന്ധിച്ച രേഖകളും വസ്തുവകകള് കൈമാറ്റം ചെയ്തതിന്റെ രേഖകളും പിടിച്ചെടുത്തതായി ഇ.ഡി അറിയിച്ചു. കൂടാതെ മൊബൈല് ഫോണുകള്, 21 ലക്ഷം രൂപ വിലവരുന്ന സ്വര്ണം, 12 ലക്ഷത്തിന്റെ റോളക്സ് വാച്ച് തുടങ്ങിയവയും പിടിച്ചെടുത്തു.
പഞ്ചാബില് ഫെബ്രുവരി 20ന് നടക്കാനിരിക്കുന്ന തിരഞ്ഞെടുപ്പ് പശ്ചാത്തലത്തിലാണ് ഈ അറസ്റ്റ്. മുഖ്യമന്ത്രി ചരണ്ജിത് സിങ് ചന്നി രണ്ട് മണ്ഡലങ്ങളില് നിന്നാണ് ജനവിധി തേടുന്നത്.