മസ്കത്ത്: ഏഷ്യ കപ്പ് വനിത ഹോക്കി ടൂര്ണമെന്റില് പരാജയം ഏറ്റുവാങ്ങി നിലവിലെ ചാമ്പ്യന്മാരായ ഇന്ത്യ. സുല്ത്താന് ഖാബൂസ് സ്പോര്ട്സ് കോംപ്ലക്സില് നടന്ന ആദ്യ സെമിയില് രണ്ടിനെതിരെ മൂന്നു ഗോളുകള്ക്കാണ് ഇന്ത്യ ദക്ഷിണ കൊറിയയോട് പൊരുതി തോറ്റത്. ഇയുന്ബി ചെറോണ്, സിയുങ് ജു ലീ, ഹെയ്ജിന് ചോ എന്നിവര് ദക്ഷിണ കൊറിയക്കായി ഗോള് നേടിയപ്പോള് നേഹ, ലാല്റെംസി എന്നിവരായിരുന്നു ഇന്ത്യക്കായി ഗോള് നേടിയത്.
ഗ്രൂപ്പ് ഘട്ടത്തിലെ മത്സരങ്ങളില് സിംഗപ്പൂരിനെയും മലേഷ്യയെയും തകര്ത്തായിരുന്നു ഇന്ത്യ സെമിയില് കടന്നത്. ഇതോടെ ലോകകപ്പ് ഹോക്കിയില് പങ്കെടുക്കാന് ഇന്ത്യ അര്ഹത നേടിയിരുന്നു.
രണ്ടാം സെമിഫൈനലില് ജപ്പാന് ചൈനയെ പരാജയപ്പെടുത്തി. വെള്ളിയാഴ്ച നടക്കുന്ന ഫൈനലില് ജപ്പാന് ദക്ഷിണ കൊറിയയെയും മൂന്നാം സ്ഥാനത്തിനായുള്ള മത്സരത്തില് ഇന്ത്യ-ചൈനയെയും നേരിടും.