ഫറ്റോര്ഡ: ഐഎസ്എല്ലില് മുംബൈ സിറ്റി എഫ്സി നോര്ത്ത് ഈസ്റ്റ് യുനൈറ്റഡിനെതിരെ സമനിലയില് പിരിഞ്ഞു. ഇരുവരും ഓരോ ഗോള് വീതം നേടി. അഹമ്മദ് ജഹൗഹാണ് മുംബൈയുടെ ഗോള് നേടിയത്. നോര്ത്ത് ഈസ്റ്റിനായി മലയാളി താരം മുഹമ്മദ് ഇര്ഷാദും ഗോള് നേടി.
30-ാം മിനിറ്റില് പെനാല്റ്റിയിലൂടെ ജഹൗഹ് വല കുലുക്കി. ആദ്യ പകുതി ഒരു ഗോളോടെ അവസാനിച്ചുവെങ്കിലും 79-ാം മിനിറ്റില് ഇര്ഷാദിലൂടെ നോര്ത്ത് ഈസ്റ്റ് തിരിച്ചടിച്ചു. തിരിച്ചടിക്കാനുള്ള മുംബൈയുടെ ശ്രമങ്ങള് പ്രതിരോധത്തില് തട്ടിത്തെറിച്ചു. ഇഞ്ചുറി സമയത്ത് മുംബൈ താരം അമി റനാവാഡെ ചുവപ്പ് കാര്ഡുമായി പുറത്താവുകയും ചെയ്തു. മത്സരത്തില് മുംബൈക്കായിരുന്നു ആധിപത്യമെങ്കിലും ഒരിക്കല് മാത്രമാണ് ഗോള് നേടാന് സാധിച്ചത്.
നാലാം സ്ഥാനത്താണ് മുംബൈ. 12 മത്സരങ്ങളില് 18 പോയിന്റാണ് മുംബൈക്കുള്ളത്. 14 മത്സരങ്ങളില് 10 പോയിന്റ് മാത്രമുള്ള നോര്ത്ത് ഈസ്റ്റ് പത്താം സ്ഥാനത്താണ്.