കേരള സ്റ്റേറ്റ് സിവില് സര്വീസ് അക്കാദമിയുടെ പൊന്നാനി കേന്ദ്രത്തില് സിവില് സര്വീസ് പരീക്ഷാ പരിശീലനത്തിന് അപേക്ഷ ക്ഷണിച്ചു. www.kscsa.org ല് നവംബര് 12 വരെ ഓണ്ലൈനായി അപേക്ഷിക്കാം. പ്രവേശനപരീക്ഷ നവംബര് 14 ന് 11 മുതല് 1 വരെ ഓണ്ലൈനായാണ് നടക്കുക. നവംബര് 24 ന് ക്ലാസുകള് (ഓണ്ലൈന്/ഓഫ്ലൈന്) ആരംഭിക്കും.
കേന്ദ്രത്തിലെ 50 ശതമാനം സീറ്റുകള് മുസ്ലീം ന്യൂനപക്ഷ വിഭാഗങ്ങള്ക്കും 10 ശതമാനം സീറ്റുകള് പട്ടിക ജാതി/വര്ഗ വിഭാഗക്കാര്ക്കുമാണ്. ഇവര്ക്ക് ട്യൂഷന്ഫീസും സൗജന്യമാണ്. ഏതെങ്കിലും അംഗീകൃത യൂണിവേഴ്സിറ്റിയില് നിന്നുള്ള ബിരുദമാണ് യോഗ്യത. ഹോസ്റ്റല് സൗകര്യം ലഭ്യമാണ്.
കൂടുതല് വിവരങ്ങള്ക്കായി ഇന്സ്റ്റിറ്റ്യൂട്ട് ഓഫ് കരിയര് സ്റ്റഡീസ് ആന്റ് റിസര്ച്ച്, കരിമ്പന, ഈശ്വരമംഗലം പി. ഒ., പൊന്നാനി, പിന് – 679573 എന്ന വിലാസത്തില് ബന്ധപ്പെടുക. ഫോണ്:0494-2665489, 9746007504, 9846715386, 9645988778. www.ccek.org, email.icsrgovt@gmail.com