തിരുവനന്തപുരം: മേപ്പടിയാൻ സിനിമ കാണുന്നവർക്ക് സമ്മാന പദ്ധതിയുമായി ഉണ്ണി മുകുന്ദൻ. സിനിമ കാണുന്ന ഭാഗ്യശാലികളായ 111 പ്രേക്ഷകർക്ക് ഡയമണ്ട് മോതിരം സമ്മാനമായി നൽകുമെന്നാണ് പ്രഖ്യാപനം. സിനിമാ തിയറ്ററിൽ പോയി കാണുന്നവർക്കാണ് മത്സരത്തിൽ പങ്കെടുക്കാൻ അവസരം. മത്സരത്തിൽ പങ്കെടുക്കാനായി ചെയ്യേണ്ടത് എന്താണെന്ന് നോക്കാം.
തിയേറ്ററിലെ ‘മേപ്പടിയാൻ’ സെൽഫി കൗണ്ടറിൽ വെച്ച് ഒരു സെൽഫി എടുക്കുക. ഈ സെൽഫിയോടൊപ്പം മേപ്പടിയാനെ കുറിച്ചുള്ള റിവ്യൂ നാലുവരിയിൽ കൂടാതെ മേപ്പടിയാൻ ചുങ്കത്ത് ഡയമണ്ട് കോണ്ടസ്റ്റ് എന്ന ഹാഷ്ടാഗിനൊപ്പം ഫേസ്ബുക്കിലും ഇൻസ്റ്റഗ്രാമിലും പങ്കുവയ്ക്കെുക. തിരഞ്ഞെടുക്കപ്പെടുന്ന ഭാഗ്യശാലികൾക്ക് ഒരു ഡയമണ്ട് മോതിരം സമ്മാനമായി ലഭിക്കും. ഒരു തിയറ്ററിൽ നിന്നും ഒരു ഭാഗ്യശാലിക്കായിരിക്കും സമ്മാനം നേടാൻ അവസരമുള്ളത്. 111 ഭാഗ്യശാലികൾക്ക് ഇത്തരത്തിൽ ഡയമണ്ട് മോതിരം സമ്മാനമായി ലഭിക്കും.