തിരുവനന്തപുരം: സെര്‍വര്‍ തകരാറ് മൂലം പതിസന്ധിയിലായ സംസ്ഥാനത്തെ റേഷന്‍ വിതരണം പുനരാരംഭിക്കുന്നതിന് റേഷന്‍ കടകളുടെ പ്രവര്‍ത്തന സമയം പുനഃക്രമീകരിച്ചതായി ഭക്ഷ്യമന്ത്രി ജി.ആര് അനില്‍ അറിയിച്ചു.
മലപ്പുറം, തൃശൂര്‍, പാലക്കാട്, കൊല്ലം, ആലപ്പുഴ, പത്തനംതിട്ട, വയനാട് ജില്ലകളില്‍ രാവിലെ 8.30 മുതല്‍ 12 വരെയും, എറണാകുളം, കോഴിക്കോട്, തിരുവനന്തപുരം, കണ്ണൂര്‍, കോട്ടയം, കാസര്‍കോട്, ഇടുക്കി ജില്ലകളില്‍ വൈകീട്ട് 3.30 മുതല്‍ 6.30 വരെയുമാണ് കടകള്‍ തുറന്ന് പ്രവര്‍ത്തിക്കുക.
ഹൈദരാബാദിലെ എന്‍ഐസി സെര്‍വറിലൂടെയാണ് ഇ-പോസ് മെഷീന്റെ വിവര വിശകലനം നടക്കുന്നത്. സെര്‍വര്‍ ശേഷിയുടേതാണ് പ്രശ്‌നങ്ങള്‍. ഇത് ഭാഗികമായി പരിഹരിച്ചിട്ടുണ്ട്.