ലോക ടെസ്റ്റ് ജേതാക്കളായ കിവീസിനെ എട്ട് വിക്കറ്റിന് പരാജയപ്പെടുത്തി ബംഗ്ലാദേശ്. സ്കോര്: ന്യൂസിലന്ഡ് 328 & 169, ബംഗ്ലാദേശ് 458 & 42/2.
നാലാം ദിനം കളി അവസാനിച്ചപ്പോള് രണ്ടാം ഇന്നിംഗ്സില് അഞ്ചു വിക്കറ്റ് നഷ്ടത്തില് 147 റണ്സ് എന്ന നിലയിലായിരുന്നു ന്യൂസിലന്ഡ്. അഞ്ചാം ദിനത്തിന്റെ തുടക്കത്തില് 22 റണ്സ് കൂട്ടിച്ചേര്ക്കുന്നതിനിടെ അവശേഷിക്കുന്ന വിക്കറ്റും നഷ്ടമായി. ഇതോടെ ബംഗ്ലാദേശിന്റെ വിജയലക്ഷ്യം വെറും 40 റണ്സ് മാത്രമായി മാറി.
16.5 ഓവറില് രണ്ട് വിക്കറ്റ് നഷ്ടപ്പെടുത്തി ബംഗ്ലാദേശ് ലക്ഷ്യം മറികടന്നു. എബാദത്ത് ഹുസൈന്റെ ആറ് വിക്കറ്റ് പ്രകടനമാണ് രണ്ടാം ഇന്നിംഗ്സില് ന്യൂസിലന്ഡിന തകര്ത്തത്. വില് യംഗ് (69), റോസ് ടെയ്ലര് (40) എന്നിവര് മാത്രമാണ് പിടിച്ചുനിന്നത്. ഒന്നാം ഇന്നിംഗ്സില് ബംഗ്ലാദേശ് 130 റണ്സിന്റെ ഒന്നാം ഇന്നിംഗ്സ് ലീഡ് നേടിയിരുന്നു.