ഇന്ത്യയുടെ എക്കാലത്തേയും മികച്ച സ്പിന്നര്മാരില് ഒരാളായ ഹര്ഭജന് സിങ് അടുത്തിടെയാണ് വിരമിക്കല് പ്രഖ്യാപിച്ചത്. ധോണി നായകനായ ടീമില് നിന്നും എങ്ങനെ പുറത്തായി എന്നതില് മറുപടിയൊന്നും ഇതുവരെ ലഭിച്ചില്ലെന്ന് പറയുകയാണ് ഭാജി ഇപ്പോള്. ‘ടീമില് ഉള്പ്പെടുത്താത്തതിന്റെ കാരണങ്ങള് അറിയാന് ശ്രമിച്ചുവെന്നും എന്നാല് ഉത്തരം ലഭിക്കാതെ വന്നപ്പോള് ചോദിക്കുന്നതില് യുക്തിയില്ലാ എന്ന് തിരിച്ചറിഞ്ഞു. നിങ്ങളോട് പറയാന് ആഗ്രഹിക്കുന്നില്ലെങ്കില് ചോദിക്കുന്നതില് അര്ത്ഥമില്ല. അതാണ് സംഭവിച്ചത്.’ അദ്ദേഹം പറഞ്ഞു.
‘ഒരു പരിധി വരെ ബിസിസിഐ ഒഫീഷ്യല്സ് ഇതിന്റെ ഭാഗമായിരുന്നു. അവര് എന്നെ ഉള്പ്പെടുത്താന് ആഗ്രഹിച്ചിരുന്നില്ലാ. ക്യാപ്റ്റന് എന്നെ പിന്തുണക്കാമായിരുന്നു. ക്യാപ്റ്റന് ഒരിക്കലും ബിസിസിഐയുടെ മുകളിലാവാന് കഴിയില്ലാ. ഇവിടെ ടീമിനേക്കാളും കോച്ചിനേക്കാളും ക്യാപ്റ്റനേക്കാളും മുകളിലായിരുന്നു ബിസിസിഐ ഒഫീഷ്യല്സ്’ ഹര്ഭജന് കൂട്ടിച്ചേര്ത്തു.
നൂറിലധികം വിക്കറ്റ് നേടാനാവുമായിരുന്നെന്ന് ഭാജിക്ക് പ്രതീക്ഷയുണ്ടായിരുന്നു. താന് ടീമിലുണ്ടാകുന്നതില് ആര്ക്കാണ് പ്രശ്നമെന്നും അദ്ദേഹം ചോദ്യം ഉന്നയിച്ചു.