15 മുതല്‍ 18 വയസ് വരെയുള്ളവര്‍ക്ക് കൊവിഡ് വാക്‌സിനുള്ള രജിസ്‌ട്രേഷന്‍ നാളെ മുതല്‍ ആരംഭിക്കും. http://www.cowin.gov.in എന്ന വെബ്‌സൈറ്റ് വഴിയാണ് വാക്സിനേഷന് തിയ്യതി തിരഞ്ഞെടുക്കേണ്ടത്. തിങ്കളാഴ്ച മുതലാണ് വാക്‌സിന്‍ വിതരണം ആരംഭിക്കുന്നത്. വാക്സിനേഷന് കേന്ദ്രത്തില്‍ നേരിട്ടെത്തി രജിസ്റ്റര്‍ ചെയ്യാനും സാധിക്കും.
രജിസ്റ്റര്‍ ചെയ്യുന്ന സമയത്ത് തിരിച്ചറിയല്‍ രേഖ വെബ്‌സൈറ്റില്‍ അപ്ലോഡ് ചെയ്യണം. ആധാര്‍ കാര്‍ഡ് ഇല്ലാത്തവര്‍ക്ക് സ്‌കൂളിലെ തിരിച്ചറിയല്‍ കാര്‍ഡ് ഉപയോഗിക്കാം. കൊവിന്‍ ആപ്പില്‍ രജിസ്റ്റര്‍ ചെയ്തിട്ടുള്ള രക്ഷിതാക്കളുടെ അക്കൗണ്ട് വഴിയും രജിസ്റ്റര്‍ ചെയ്യാം. ഒരു മൊബൈല്‍ നമ്പറില്‍ നാല് പേര്‍ക്ക് വരെ രജിസ്റ്റര്‍ ചെയ്യാന്‍ സാധിക്കും. സംസ്ഥാനത്ത് വാക്സിനേഷന് അര്‍ഹരായ 15 ലക്ഷത്തോളം കൗമാരക്കാരാണുള്ളത്.