ഗാബയിലും, സെഞ്ചൂറിയനിലും വിജയകൊടി പാറിച്ച ഇന്ത്യയെ സംബന്ധിച്ച് ഏറ്റവും മികച്ച വര്‍ഷങ്ങളിലൊന്നാണ് ഇപ്പോള്‍ അവസാനിക്കുന്നത്. സെഞ്ചൂറിയിനലെ ടെസ്റ്റ് മത്സരത്തില്‍ വിജയിക്കുന്ന ആദ്യ ഏഷ്യന്‍ ടീമെന്ന റെക്കോഡും ഇന്ത്യ സ്വന്തമാക്കിയിരിക്കുകയാണ്.
ആദ്യ ഇന്നിംഗ്‌സില്‍ 123 റണ്‍സാണ് നേടിയ കെ എല്‍ രാഹുലാണ് മത്സരത്തിലെ താരം. നേടിയത്. ടെസ്റ്റ് കരിയറിലെ ഏറ്റവും മികച്ച സെഞ്ചുറികളില്‍ ഒന്നാണ് ഇത് എന്ന് രാഹുല്‍ വിശേഷിപ്പിച്ചത്. മത്സരത്തിലെ സാഹചര്യങ്ങളും വിക്കറ്റും വെല്ലുവിളി നിറഞ്ഞതായിരുന്നു എന്നും ഈ സെഞ്ചുറി നേടാനും വിജയത്തില്‍ എത്തിക്കാനും ഒരുപാട് ധൈര്യവും ആവശ്യമായിരുന്നു എന്നും മത്സര ശേഷം രാഹുല്‍ പറഞ്ഞു.
‘ഇന്ത്യന്‍ ടീമിനെ സംബന്ധിച്ച് ഈ വര്‍ഷം വളരെ സ്‌പെഷ്യലായിരുന്നു. ഈ വര്‍ഷം ഞങ്ങള്‍ നേടിയ നേട്ടങ്ങള്‍ വിലമതിക്കാനാകാത്തതാണ്, ഇന്ത്യന്‍ ക്രിക്കറ്റ് ചരിത്രത്തിലെ തന്നെ ഏറ്റവും മികച്ച വര്‍ഷങ്ങളിലൊന്നായി ഇത് മാറും. പ്രത്യേകിച്ചും ടെസ്റ്റ് ക്രിക്കറ്റില്‍. കഴിഞ്ഞ കുറച്ച് വര്‍ഷങ്ങളായി ഒരു ടീമെന്ന നിലയില്‍ വളരെയധികം ഞങ്ങള്‍ അധ്വാനിച്ചു. അതിന്റെ ഫലം കാണുവാന്‍ തുടങ്ങിയതില്‍ അതിയായ സന്തോഷമുണ്ട്’- രാഹുല്‍ അഭിപ്രായപ്പെട്ടു. ഈ വിജയം വരും മത്സരങ്ങളില്‍ ആത്മവിശ്വാസം നല്‍കും എന്നും രാഹുല്‍ കൂട്ടിച്ചേര്‍ത്തു