കബീര്ഖാന്റെ സംവിധാനത്തില് രണ്വീര് സിംഗ് നായകനായെത്തിയ ചിത്രം ’83’ യെ പ്രശംസിച്ച് രംഗത്തെത്തിയിരിക്കുകയാണ് സൂപ്പര്സ്റ്റാര് രജിനികാന്ത്. ഇന്ത്യന് ക്രിക്കറ്റിന്റെ ഇതിഹാസ വിജയത്തിന്റെയും ക്യാപ്റ്റന് കപില് ദേവിന്റെയും കഥയാണ് ’83’ യുടെ പ്രമേയം.
‘വൗ, ഇത് എന്തൊരു സിനിമ…ഗംഭീരം എന്നാണ് രജനികാന്ത് എഴുതിയിരിക്കുന്നത്. രണ്വീര് സിംഗിന്റെ ’83’ ചിത്രത്തിനായി പ്രവര്ത്തിച്ച എല്ലാവര്ക്കും അഭിനന്ദനങ്ങള് എന്നും രജനികാന്ത് എഴുതിയിരിക്കുന്നു. ചിത്രം അമ്പത് കോടി ക്ലബിലേക്ക് എത്തുകയാണെന്ന് കഴിഞ്ഞ ദിവസം റിപ്പോര്ട്ടുണ്ടായിരുന്നു.
രണ്വീര് സിംഗ് ചിത്രത്തില് കപില് ദേവായി അഭിനയിക്കുമ്പോള് ഭാര്യാ കഥാപാത്രമായി ദീപികാ പദുക്കോണാണ് വേഷമിടുന്നത്. കൃഷ്ണമാചാരി ശ്രീകാന്ത് ആയി തമിഴ് നടന് ജീവയാണ് അഭിനയിച്ചത്. ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിലായിട്ടാണ് ’83’ എത്തിയത്.