ധാക്ക: ഏഷ്യന്ചാമ്പ്യന്സ് ട്രോഫി ഹോക്കി ടൂര്ണമെന്റില് പാകിസ്ഥാനെ തകര്ത്ത് ഒളിമ്പിക്സ് വെങ്കലമെഡല് ജേതാക്കളായ ഇന്ത്യ സെമി ഫൈനലിലെത്തി. റൗണ്ട് റോബിന് മാച്ചില് ഒന്നിനെതിരെ മൂന്ന് ഗോളുകള്ക്കാണ് ഇന്ത്യ പാകിസ്ഥാനെ വീഴ്ത്തിയത്.
പെനാല്റ്റി കോര്ണറുകളില് നിന്ന് രണ്ട് ഗോള് കണ്ടെത്തിയ വൈസ് ക്യാപ്ടന് ഹര്മ്മന് പ്രീത് സിംഗാണ് ഇന്ത്യയുടെ വിജയത്തില് നിര്ണായക പങ്കുവഹിച്ചത്. അകാശ്ദീപ് സിംഗ് ഇന്ത്യയ്ക്കായി ഒരു ഗോള് നേടി. ജുനൈദ് മന്സൂറാണ് പാകിസ്ഥാനായി ഒരുഗോള് മടക്കിയത്. അറ് രാഷ്ട്രങ്ങള് പങ്കെടുക്കുന്ന ടൂര്ണമെന്റില് മൂന്ന് കളികളില് നിന്ന് 7 പോയിന്റുമായി ഇന്ത്യ ഒന്നാം സ്ഥാനത്താണ്.