അല്ലു അര്ജുന് ചിത്രം പുഷ്പക്കെതിരെ കര്ണ്ണാടകയില് സിനിമാ പ്രേമികളുടെ ബഹിഷ്കരണാഹ്വാനം. ചിത്രത്തിന്റെ കന്നഡ പതിപ്പിന് വിരലിലെണ്ണാവുന്ന പ്രദര്ശനങ്ങള് മാത്രമാണ് ഉള്ളതെന്നും മറുഭാഷാ പതിപ്പുകള്ക്ക് കൂടുതല് പ്രദര്ശനങ്ങള് ഉണ്ടെന്നുമാണ് ആരോപണം.
ട്വിറ്ററില് നിരവധി പേര് ഈ വിഷയം ഉന്നയിച്ച് രംഗത്തെത്തിയതോടെ എന്ന ഹാഷ് ടാഗ് ട്വിറ്ററില് നിലവില് ട്രെന്ഡിംഗ് ആയിട്ടുണ്ട്. തെലുങ്ക് ഒറിജിനലിന് 200ല് ഏറെ പ്രദര്ശനങ്ങളും ഹിന്ദിക്ക് പത്തിലേറെ പ്രദര്ശനങ്ങളും, തമിഴ്, മലയാളം പതിപ്പുകള്ക്ക് നാല് പ്രദര്ശനങ്ങളുമുള്ള കര്ണ്ണാടകയില് കന്നഡ പതിപ്പിന് വെറും മൂന്ന് ഷോകള് മാത്രമാണ് ഉള്ളതെന്നാണ് സിനിമാപ്രേമികളുടെ വാദം.
അതേസമയം, ടോളിവുഡില് നിന്നുള്ള സമീപ കാലത്തെ ഏറ്റവും കൂടുതല് ഹൈപ്പ് ലഭിച്ച ചിത്രമാണ് സുകുമാറിന്റെ സംവിധാനത്തില് പുറത്തിറങ്ങുന്ന പുഷ്പ. ആക്ഷന് ത്രില്ലറായ ചിത്രം രണ്ട് ഭാഗങ്ങളിലാണ് കഥ പറയുന്നത്.