ജസ്റ്റിസ് ഹേമ കമ്മീഷന് റിപ്പോര്ട്ടില് തുടര് നടപടികള് സ്വീകരിക്കാത്ത സര്ക്കാര് നിലപാടിനെതിരെ രൂക്ഷ വിമര്ശനവുമായി നടി പാര്വതി തിരുവോത്ത്. നടപടികള് സ്വീകരിക്കാത്തത് സ്ത്രീകളുടെ സുരക്ഷിതത്വത്തിന് ഒരു പ്രാധാന്യവുമില്ലെന്ന വേദനാജനകമായ ഓര്മ്മപ്പെടുത്തലാണെന്ന് പാര്വതി ഇന്സ്റ്റഗ്രാമിലൂടെ പ്രതികരിച്ചു.
‘ജസ്റ്റിസ് ഹേമ കമ്മീഷന് റിപ്പോര്ട്ട് രൂപീകരിക്കുന്നതിന് വേണ്ടി ഒരുപാട് പേര് തങ്ങള് കടന്നു പോയ ദുരവസ്ഥയെ കുറിച്ച് വിശദമായി സംസാരിച്ചിരുന്നു. ഈ നിര്ണ്ണായകമായ റിപ്പോര്ട്ട് ഞങ്ങളുടെ തൊഴിലിടം സുരക്ഷിതമാക്കാന് കഴിയുന്ന നിയമം കൊണ്ടുവരാനായി ഉപയോഗിക്കാവുന്നതാണ്. എന്നാല്, ഈ വിഷയത്തില് ഒരു തീരുമാനവും എടുക്കാത്തത് ഞങ്ങളുടെ സുരക്ഷിതത്വത്തിന് ഒരു പ്രാധാന്യവുമില്ലാത്ത ഓര്മ്മപ്പെടുത്തലാണ്. എവിടെയാണ് ജസ്റ്റിസ് ഹേമ കമ്മീഷന് റിപ്പോര്ട്ട്?.’-പാര്വതി കുറിച്ചു.