ന്യൂഡല്ഹി: ഇന്ത്യയുടെ ഏകദിന ക്രിക്കറ്റ് ടീമിന്റെ ക്യാപ്റ്റനായി രോഹിത് ശര്മയെ തിരഞ്ഞെടുത്തു. ദക്ഷിണാഫ്രിക്കക്കെതിരെയുള്ള പരമ്പര ആരംഭിക്കുന്നതിന് മുന്നോടിയായാണ് ബി.സി.സി.ഐ പുതിയ ക്യാപ്റ്റനെ പ്രഖ്യാപിക്കുന്നത്. ഇന്ത്യയുടെ ട്വന്റി 20 ക്യാപ്റ്റന് കൂടിയാണ് നിലവില് രോഹിത് ശര്മ. ഇതോടെ വിരാട് കോലി ഏകദിന നായകസ്ഥാനത്തുനിന്ന് പടിയിറങ്ങും. ടെസ്റ്റ് ക്രിക്കറ്റില് മാത്രമായിരിക്കും ഇനി കോലി ഇന്ത്യയുടെ ക്യാപ്റ്റനാവുക.
ടെസ്റ്റ് ക്രിക്കറ്റില് അജിങ്ക്യ രഹാനെയ്ക്ക് പകരം രോഹിത് ശര്മയെ സഹനായകനായി തിരഞ്ഞെടുക്കുകയും ചെയ്തു. ഡിസംബര് 26 നാണ് ദക്ഷിണാഫ്രിക്കക്കെതിരായ ഇന്ത്യയുടെ ക്രിക്കറ്റ് പര്യടനം ആരംഭിക്കുക. ആദ്യം ടെസ്റ്റ് മത്സരങ്ങളാണ് നടക്കുക.
ഇന്ത്യന് ടെസ്റ്റ് ടീം: വിരാട് കോലി (നായകന്), രോഹിത് ശര്മ (സഹനായകന്), കെ.എല്.രാഹുല്, മായങ്ക് അഗര്വാള്, ചേതേശ്വര് പൂജാര, അജിങ്ക്യ രഹാനെ, ശ്രേയസ് അയ്യര്, ഹനുമ വിഹാരി, ഋഷഭ് പന്ത്, വൃദ്ധിമാന് സാഹ, ആര് അശ്വിന്, ജയന്ത് യാദവ്, ഇഷാന്ത് ശര്മ, മുഹമ്മദ് ഷമി, ഉമേഷ് യാദവ്, ജസ്പ്രീത് ബുംറ, ശാര്ദുല് ഠാക്കൂര്, മുഹമ്മദ് സിറാജ്.