വിവാദ തനിനിറവരകൾ(No:22)

On: November 30, 2021

അവശ കലാകാരന്മാർക്ക് തമിഴ്നാട് ഗവൺമെന്റ് ശമ്പളം നൽകുമ്പോൾ മലയാള നാട്ടിലെ സ്ഥിതി (1971)

ജി‌. ശേഖരന്‍ നായര്‍ : കാലത്തിനു മുമ്പേ കടന്നു പോയ കാർട്ടൂണുകൾ

കാർട്ടൂൺ വരച്ചതിന് പി കെ മന്ത്രിയെ വിദ്യാഭ്യാസ മന്ത്രി മുഹമ്മദ്‌ കോയ സർവീസിൽ നിന്ന് സസ്‌പെൻഡ് ചെയ്തു. അപ്പോഴാണ് തമിഴ്നാട് സർക്കാർ അവശ കലാകാരന്മാരെ സഹായിക്കുന്നത്.

Previous Post: ‘സുമേഷ് ആന്‍ഡ് രമേഷ്’ ഡിസംബര്‍ 10 ന് തിയേറ്ററുകളില്‍

Next Post: മരക്കാർ ഒടിടിയിൽ കരാർ ഒപ്പുവച്ചെന്ന വാർത്ത അടിസ്ഥാന രഹിതം; പ്രതികരണവുമായി മോഹൻലാൽ

സുനിതാ വില്യംസ് വീണ്ടും ബഹിരാകാശത്തേക്ക് പറക്കാനൊരുങ്ങുന്നു

ന്യൂയോർക്ക്: ഇന്ത്യൻ വംശജയായ ബഹിരാകാശ സഞ്ചാരി സുനിതാ വില്യംസ് വീണ്ടും ബഹിരാകാശത്തേക്ക് പറക്കാനൊരുങ്ങുന്നു. ബോയിങ്ങിന്റെ സ്റ്റാർലൈനർ ബഹിരാകാശ വാഹനത്തിന്റെ പരിശീലന യാത്രയിലാണ് ഇത്തവണ സുനിത ഭാഗമാകുന്നത്. മേയ് ഏഴിന് ഫ്‌ലോറിഡയിലെ കേപ് കാനവെറൽ ബഹിരാകാശ താവളത്തിൽ നിന്നാണ് സ്റ്റാർലൈനർ വിക്ഷേപിക്കുന്നത്. അന്താരാഷ്ട്ര ബഹിരാകാശ നിലയത്തിലെത്തുമ്പോൾ തിരികെ വീട്ടിലേക്ക് പോകുന്ന പ്രതീതിയാണെന്നാണ് സുനിത വില്യംസ് വ്യക്തമാക്കുന്നത്. നാസയിലെ ബുച്ച് വിൽമോറും സ്റ്റാർലൈനറിൽ സുനിതയ്‌ക്കൊപ്പമുണ്ടാകും. മനുഷ്യരുമായി സ്റ്റാർലൈനർ നടത്തുന്ന ആദ്യ പരീക്ഷണയാത്രയാണിത്. വാണിജ്യാവശ്യങ്ങൾക്ക് സ്റ്റാർലൈനർ ഉപയോഗിക്കുന്നതിന്റെ ഭാഗമായാണ് നാസയുമായിച്ചേർന്നുള്ള ഈ പരീക്ഷണം. 2006 ഡിസംബറിൽ അന്താരാഷ്ട്ര ബഹിരാകാശനിലയത്തിലേക്കായിരുന്നു സുനിതയുടെ ആദ്യ ബഹിരാകാശയാത്ര. 2007 ജൂൺ 22 വരെ അവർ ബഹിരാകാശ നിലയത്തിൽ കഴിഞ്ഞു. അന്ന് സുനിത വില്യംസ് 29 മണിക്കൂറും 17 മിനിറ്റും ബഹിരാകാശത്തു നടന്ന് റെക്കോർഡ് സൃഷ്ടിക്കുകയും ചെയ്തിരുന്നു.
പതിവായി വെള്ള ടീ ഷർട്ട് ധരിക്കുന്നതിനുള്ള കാരണം ഇതാണ്; വെളിപ്പെടുത്തി രാഹുൽ ഗാന്ധി

ന്യൂഡൽഹി: താൻ പതിവായി വെള്ള ടീ ഷർട്ട് ധരിക്കുന്നതിനുള്ള കാരണം വെളിപ്പെടുത്തി കോൺഗ്രസ് നേതാവ് രാഹുൽ ഗാന്ധി. വെള്ള നിറത്തിലുള്ള ടീ ഷർട്ട് സുതാര്യമാണെന്നും ലാളിത്യത്തെ പ്രതിനിധീകരിക്കുന്നതാണെന്നുമാണ് അദ്ദേഹം വ്യക്തമാക്കുന്നത്. സാമൂഹ്യ മാദ്ധ്യമത്തിൽ കോൺഗ്രസ് പങ്കുവെച്ച വീഡിയോയിലാണ് രാഹുൽ ഗാന്ധി ഇക്കാര്യം വ്യക്തമാക്കിയിരിക്കുന്നത്. ദേശീയ തലത്തിൽ എല്ലായ്പ്പോഴും പോരാട്ടം നടക്കുന്നത് പ്രത്യയശാസ്ത്രങ്ങൾ തമ്മിലാണ്. സ്വന്തം പ്രത്യയശാസ്ത്രത്തെക്കുറിച്ച് വ്യക്തമായ ധാരണയില്ലാതെ നിങ്ങൾക്ക് ഒരിക്കലും ഒരു സംഘടനയെന്ന നിലയിൽ അധികാരത്തിൽ തുടരാനാകില്ലെന്നും രാഹുൽ അഭിപ്രായപ്പെട്ടു. പാവപ്പെട്ടവരേയും സ്ത്രീകളേയുമെല്ലാം ഒരുപോലെ പരിഗണിക്കുന്ന കോൺഗ്രസ് പ്രത്യയശാസ്ത്രം ജനങ്ങളെ ബോധ്യപ്പെടുത്തണമെന്നും അദ്ദേഹം ആഹ്വാനം ചെയ്തു. സുതാര്യതയും ലാളിത്യവുമാണ് വെള്ള ടീ ഷർട്ട് തെരഞ്ഞെടുക്കാനുള്ള കാരണമായി രാഹുൽ പറയുന്നത്. തനിക്ക് എപ്പോഴും ലളിതമായി ഇരിക്കാനാണ് ഇഷ്ടം. വസ്ത്രങ്ങളുടെ കാര്യത്തിൽ വലിയ ശ്രദ്ധ കൊടുക്കാറില്ലെന്നും അദ്ദേഹം കൂട്ടിച്ചേർത്തു.
മാസപ്പടി കേസ്; അന്വേഷണം ആവശ്യപ്പെട്ട് മാത്യു കുഴൽനാടൻ സമർപ്പിച്ച ഹർജി തള്ളി കോടതി

തിരുവനന്തപുരം: മാസപ്പടി കേസിൽ അന്വേഷണം ആവശ്യപ്പെട്ട് മാത്യു കുഴൽനാടൻ എംഎൽഎ സമർപ്പിച്ച ഹർജി തള്ളി കോടതി. തിരുവനന്തപുരം വിജിലൻസ് കോടതിയാണ് ഹർജി തള്ളിയത്. മുഖ്യമന്ത്രിയുടെ മകൾ വീണ വിജയന് മാസപ്പടിയായി പണം നൽകിയെന്ന ആരോപണം ഉയർന്ന കേസിൽ സിഎംആർഎൽ കമ്പനിക്ക് സംസ്ഥാന സർക്കാർ വഴിവിട്ട സഹായങ്ങൾ നൽകിയെന്നാരോപിച്ചാണ് മാത്യുകുഴൽനാടൻ ഹർജി സമർപ്പിച്ചത്. സിഎംആർഎൽ എന്ന സ്വകാര്യ സ്ഥാപനത്തിന് ധാതുമണൽ ഖനനത്തിന് വഴിവിട്ട സഹായം നൽകിയതിന് പ്രതിഫലമായി മുഖ്യമന്ത്രിയുടെ മകൾക്ക് മാസപ്പടി നൽകിയെന്നാണ് മാത്യുകുഴൽനാടൻ ആരോപിക്കുന്നത്. സ്വകാര്യ കമ്പനിക്ക് വഴിവിട്ട സഹായം നൽകിയതിന് തെളിവുകൾ ഹാജരാക്കണമെന്ന് മാത്യുകുഴൽനാടനോട് കോടതി നിർദ്ദേശിച്ചിരുന്നു. ഈ രേഖകളിലൊന്നും സർക്കാർ വഴിവിട്ട് സഹായം ചെയ്തതായി കണ്ടെത്താനായിട്ടില്ലെന്നായിരുന്നു വിജിലൻസ് വ്യക്തമാക്കിയത്.
രാജ്യത്തെ മൊബൈൽ ഫോൺ വാലിഡിറ്റി, ഡാറ്റാ പാക്കേജ് എന്നിവയുടെ താരിഫ് ഉയർത്തിയേക്കും; റിപ്പോർട്ടുകൾ ഇങ്ങനെ

ന്യൂഡൽഹി: ലോക്സഭാ തിരഞ്ഞെടുപ്പ് കഴിഞ്ഞാലുടൻ തന്നെ രാജ്യത്തെ മൊബൈൽ ഫോൺ വാലിഡിറ്റി, ഡാറ്റാ പാക്കേജ് എന്നിവയുടെ താരിഫ് ഉയർത്താൻ കേന്ദ്ര സർക്കാർ തയ്യാറെടുക്കുന്നതായി റിപ്പോർട്ട്. ജൂൺ പകുതിയോടെയോ ജൂലായ് ആദ്യത്തോടെയോ രാജ്യത്ത് ടെലികോം താരിഫ് വർദ്ധിപ്പിക്കുമെന്നാണ് പുറത്തു വരുന്ന റിപ്പോർട്ടുകൾ. നിലവിലെ നിരക്കിൽ നിന്ന് 20 ശതമാനം വരെ ടെലികോം കമ്പനികൾ വർദ്ധനവ് വരുത്തിയേക്കുമെന്നാണ് പുറത്തു വരുന്ന വിവരം. നിലവിൽ 4ജി നിരക്കിൽ ഈടാക്കുന്നത് 5ജി നിരക്കിലേക്ക് മാറും. ലോക്‌സഭാ തിരഞ്ഞെടുപ്പ് കഴിഞ്ഞാൽ ഉടൻ തീരുമാനം പ്രാബല്യത്തിൽ വരുത്താനാണ് നീക്കം. വർദ്ധനവുണ്ടായാൽ 2024 ജൂണോടെ പ്രതിമാസ പ്ലാനുകൾക്ക് നിലവിലത്തേക്കാൾ കൂടുതൽ പണം നൽകേണ്ടിവരും. ആഗോള ബ്രോക്കറേജ് സ്ഥാപനമായ സി.എൽ.എസ്.എയുടെ റിപ്പോർട്ടിലും 2024 താരിഫ് വർദ്ധനയുടെ വർഷമായിരിക്കുമെന്ന സൂചന മുന്നോട്ടുവെയ്ക്കുന്നുണ്ട്. 2021-ലാണ് മൊബൈൽ താരിഫ് അവസാനമായി വർദ്ധിപ്പിച്ചത്. ഉപഭോക്താക്കളിൽ നിന്നും ഇപ്പോൾ ലഭിക്കുന്ന വരുമാനം വർദ്ധിപ്പിക്കേണ്ട സാഹചര്യമാണുള്ളതെന്നാണ് കമ്പനികളുടെ നിലപാട്. സർവീസ് മെച്ചപ്പെടുത്താൻ കൂടുതൽ നിക്ഷേപം നടത്തണമെന്നും കമ്പനികൾ ആവശ്യപ്പെടുന്നുണ്ട്. ഇതെല്ലാം കണക്കിലെടുത്താണ് കേന്ദ്ര സർക്കാരിന്റെ പുതിയ തീരുമാനം.
ഗരുഡാപ്രീമിയം; നവകേരള ബസിന്റെ സമയക്രമം യാത്രക്കാർക്കു സൗകര്യപ്രദമല്ലെന്നു വിലയിരുത്തൽ

കോഴിക്കോട്: ആധുനിക സൗകര്യങ്ങളോട് കൂടി കെഎസ്ആർടിസി സർവ്വീസ് ആരംഭിച്ച ഗരുഡാപ്രീമിയം ബസിന്റെ സമയക്രമം യാത്രക്കാർക്കു സൗകര്യപ്രദമല്ലെന്നു വിലയിരുത്തൽ. കോഴിക്കോട്- ബെംഗളൂരു റൂട്ടിലാണ് നവകേരള ബസ് ഗരുഡാ പ്രീമിയം സർവ്വീസ് നടത്തുന്നത്. രാവിലെ നാലു മണിക്കാണ് കോഴിക്കോട്ടു നിന്നും ബസിന്റെ സർവ്വീസ് ആരംഭിക്കുന്നത്. നഗരത്തിനടുത്തുള്ളവർക്കുപോലും ഇതിനായി മൂന്നുമണിക്ക് തയാറെടുക്കേണ്ടി വരും. കോഴിക്കോട് ജില്ലയുടെ മറ്റു ഭാഗങ്ങൾ, മലപ്പുറം ജില്ല എന്നിവിടങ്ങളിൽ നിന്നു കോഴിക്കോട് എത്തണമെങ്കിൽ വളരെ നേരത്തേതന്നെ പുറപ്പെടണം. ഇത് പലർക്കും ബുദ്ധിമുട്ടാകുന്നുണ്ടെന്നാണ് വിവരം. പതിനൊന്നരയോടെയാണു ബസ് ബെംഗളൂരുവിൽ എത്തേണ്ടത്. എന്നാൽ, ഗതാഗത കുരുക്ക് കാരണം ആ സമയത്ത് ബംഗളൂരുവിൽ എത്താൻ കഴിയുന്നില്ല. ഉച്ചയോടെ മാത്രമാണ് ബസിന് ബംഗളൂരുവിലേക്ക് എത്താൻ കഴിയുന്നത്. ഉച്ചയ്ക്കു രണ്ടരയ്ക്കാണു ബസിന്റെ മടക്കയാത്ര. രാത്രി പത്തിനാണു കോഴിക്കോട് എത്തേണ്ടത്. വൈകിട്ടത്തെ ഗതാഗതക്കുരുക്ക് താണ്ടി എത്തുമ്പോഴേക്കും 12 മണി കഴിയും. ഈ സമയത്തു കോഴിക്കോടെത്തിയാൽ പലർക്കും വീടുകളിലേക്കു പോകാനും വണ്ടി കിട്ടില്ലെന്നാണ് ഉയരുന്ന മറ്റൊരു പരാതി. സമയക്രമത്തിൽ മാറ്റം വരുത്തിയാൽ യാത്ര കൂടുതൽ സൗകര്യപ്രദമാകുമെന്നാണ് യാത്രക്കാർ ആവശ്യപ്പെടുന്നത്. ബെംഗളൂരുവിൽ നിന്നു വൈകിട്ട് എട്ടോടെ യാത്ര ആരംഭിച്ചാൽ പുലർച്ചെ നാലോടെ കോഴിക്കോടെത്താം. ഇവിടെനിന്നും മറ്റു സ്ഥലങ്ങളിലേക്കു പോകേണ്ടവർക്കു രാവിലെ പോകാനും സാധിക്കും. കോഴിക്കോട്ടു നിന്നും കൽപറ്റയിൽ നിന്നും ഒരേ ചാർജ് എന്നതും യാത്രക്കാർ നേരിടുന്ന മറ്റൊരു ബുദ്ധിമുട്ട്. 700 രൂപയ്ക്കു കൽപറ്റയിൽ നിന്നും എസി ബസിൽ ബെംഗളൂരുവിൽ എത്താമെന്നിരിക്കെ 1240 രൂപ മുടക്കുന്നത് നഷ്ടമാണ്. അതിനാൽ ടിക്കറ്റ്, സ്റ്റേജ് അടിസ്ഥാനത്തിൽ ക്രമീകരിക്കണമെന്ന ആവശ്യവും യാത്രക്കാർ മുന്നോട്ടുവെയ്ക്കുന്നു.