നവാഗതനായ സനൂപ് തൈക്കുടം സംവിധാനത്തിലൊരുങ്ങുന്ന ചിത്രം ‘സുമേഷ് & രമേഷ് ‘ ഡിസംബര്‍ 10ന് തിയേറ്ററുകളിലെത്തും. ചിത്രം നവംബര്‍ 26ന് തിയേറ്ററില്‍ പ്രദര്‍ശനത്തിന് എത്തുമെന്ന് അറിയിച്ചിരുന്നതെങ്കിലും സിനിമയുടെ റിലീസ് മാറ്റുകയായിരുന്നു. മതിയായ തിയേറ്ററുകള്‍ ലഭ്യമല്ലാത്തതിനാലാണ് റിലീസ് തിയ്യതി മാറ്റിയിരുന്നത്.
ശ്രീനാഥ് ഭാസിയും ബാലു വര്‍ഗ്ഗീസും ,ദേവിക കൃഷ്ണയുമാണ് ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നത്. വൈറ്റ്സാന്‍ഡ്സ് മീഡിയ ഹൗസിന്റെ ബാനറില്‍ കെ.എല്‍ 7 എന്റര്‍ടൈന്‍മെന്റ്‌സുമായി ചേര്‍ന്ന് ഫരീദ്ഖാന്‍ നിര്‍മ്മിക്കുന്ന ഈ ചിത്രത്തിന്റെ തിരക്കഥ എഴുതിയിരിക്കുന്നത് സനൂപ് തൈക്കുടവും ജോസഫ് വിജീഷും ഒന്നിച്ചാണ്.
ചിത്രത്തിന്റെ ഛായാഗ്രഹണം ആല്‍ബിയും എഡിറ്റിംഗ് അയൂബ് ഖാനും, സംഗീത സംവിധാനം യാക്‌സണ്‍ ഗാരി പെരേര, നേഹ നായര്‍ എന്നിവര്‍ ആണ്.