യുവ താരനിരയെ അണിനിരത്തി ചിദംബരം സംവിധാനം ചെയ്ത ഏറ്റവും പുതിയ ചിത്രം ‘ജാന്.എ.മന്’ തിയേറ്ററില് മികച്ച പ്രതികരണം നേടി മുന്നേറുകയാണ്. ചീയേഴ്സ് എന്റര്ടെയ്ന്മെന്റ്സിന്റെ ബാനറില് ലക്ഷ്മി വാരിയര്, ഗണേഷ് മേനോന്, സജിത്ത് കുമാര്,ഷോണ് ആന്റണി എന്നിവര് ചേര്ന്നാണ് ചിത്രം നിര്മിച്ചിരിക്കുന്നത്.
ലാല്, അര്ജുന് അശോകന്, ബാലു വര്ഗീസ്, ഗണപതി, ബേസില് ജോസഫ്, സിദ്ധാര്ഥ് മേനോന്,അഭിരാം രാധാകൃഷ്ണന്, റിയ സൈറ, ഗംഗ മീര, സജിന് ഗോപു, ചെമ്പില് അശോകന് എന്നിവരാണ് ചിത്രത്തില് പ്രധാന വേഷങ്ങളിലെത്തുന്നത്. കോമഡിക്ക് പ്രാധാന്യം നല്കി ഒരുക്കുന്ന ചിത്രത്തിന്റെ ടീസര് ഇതിനകം പ്രേക്ഷകര് ഏറ്റെടുത്തു കഴിഞ്ഞു.