റിലീസ് ചെയ്ത് മൂന്നാം വാരത്തിലേക്ക് കടക്കുമ്പോഴും ബോക്സ് ഓഫീസ് തകര്ത്ത് ‘അണ്ണാത്തെ’ യാത്ര തുടരുന്നു. ആഗോള ബോക്സ് ഓഫീസില് നിന്ന് ചിത്രം ഇതിനകം നേടിയത് 228 കോടിയാണെന്നാണ് റിപ്പോര്ട്ടുകള്.
ഇതിനകം തമിഴ്നാട്ടില് നിന്നുമാത്രം ചിത്രം നേടിയത് 142.05 കോടിയാണ്. കര്ണ്ണാടകത്തില് നിന്ന് 11 കോടിയും ചിത്രം നേടിയിട്ടുണ്ട്. ഈ വര്ഷത്തെ തമിഴ് റിലീസുകളില് ഏറ്റവും വേഗത്തില് 200 കോടി ക്ലബ്ബില് ഇടംപിടിച്ച തമിഴ് ചിത്രവും ഇതുതന്നെ.
50 ശതമാനം കാണികള് ആയിരുന്നിട്ടും റിലീസ് ദിനം മുതല് നിരവധി നെഗറ്റീവ് റിവ്യൂസ് വന്നിട്ടും ചിത്രം മികച്ച പ്രകടനമാണ് ബോക്സ് ഓഫീസില് ഇപ്പോഴും കാഴ്ച വെക്കുന്നത്. 15 ദിവസത്തെ കണക്കാണ് ഇത്. ഈ വാരാന്ത്യത്തോടെ 250 കോടിയിലേക്ക് ചിത്രം എത്തുമെന്നാണ് ട്രേഡ് അനലിസ്റ്റുകളുടെ വിലയിരുത്തല്. അജിത്ത് കുമാര് ചിത്രങ്ങളിലൂടെ ശ്രദ്ധ നേടിയ സംവിധായകന് ശിവ ആദ്യമായി രജനീകാന്തിനെ നായകനാക്കിയ അണ്ണാത്തെയില് നയന്താര, കീര്ത്തി സുരേഷ്, ഖുഷ്ബൂ, പ്രകാശ് രാജ്, മീന, സൂരി, ജഗപതി ബാബു തുടങ്ങി വലിയ താരനിരയുണ്ട്.