പുതിയ ഫീച്ചറുകളുമായി വാട്സ്ആപ്പ് രംഗത്ത് വന്നിരിക്കുകയാണ് ഇപ്പോള്. സന്ദേശങ്ങളയക്കാനും വീഡിയോ കോളിംഗിനുമൊക്കെയുള്ള ഇന്ത്യയിലെ ഏറ്റവും ജനപ്രിയ അപ്ലിക്കേഷനുകളില് ഒന്നാണ് വാട്ട്സ്ആപ്പ്. ഇന്ന് വാട്സ്ആപ്പ് ഉപയോഗിക്കാത്തവര് വിരളമായിരിക്കും. എന്നാല്, ഓരോ ദിവസവും പുതിയ പുതിയ ആപ്പുകളും പുതിയ ഫീച്ചറുകളുമൊക്കെ വരുന്നത് വാട്സ്ആപ്പിന് ഒരു തലവേദന തന്നെയാണ് .ഈ അടുത്ത് ആണ് ഗൂഗിള് മീറ്റ്, സൂം പോലെയുള്ള ആപ്പുകള് മത്സരരംഗത്തേക്കു എത്തിയത്.
ഇപ്പോള് അഡ്മിന്മാര്ക്ക് ഒരു സന്തോഷ വാര്ത്തയുമായാണ് വാട്സ്ആപ്പിന്റെ വരവ്. ഒരു വാട്സ്ആപ്പ് ഗ്രൂപ്പിനുള്ളില് തന്നെ പല ഗ്രൂപ്പുകള് (കമ്മ്യൂണിറ്റി) ആരംഭിക്കാന് സാധിക്കുമെന്ന് വാബീറ്റ ഇന്ഫോയാണ് റിപ്പോര്ട്ട് ചെയ്യുന്നു. ഗ്രൂപ്പ് ചാറ്റുകളിലെ കമ്മ്യൂണിറ്റികള് തിരിച്ചറിയാനായി ചെറിയ ഡിസൈന് മാറ്റവും വാട്സ്ആപ്പ് അവതരിപ്പിക്കുമെന്നാണ് സൂചന. കമ്മ്യൂണിറ്റി ഇന്വൈറ്റ് ലിങ്ക് വഴി ഉപയോക്താക്കളെ ക്ഷണിക്കാനുള്ള അധികാരം ഗ്രൂപ്പ് അഡ്മിനുകള്ക്ക് മാത്രമായിരിക്കും.
പിന്നീട് മറ്റ് ഗ്രൂപ്പ് മെമ്പര്മാര്ക്കും സന്ദേശം അയക്കാം. വാബീറ്റ ഇന്ഫോയുടെ റിപ്പോര്ട്ട് അനുസരിച്ച് ചാറ്റ് എന്ഡ് ടു എന്ഡ് എന്ക്രിപ്റ്റഡ് ആയിരിക്കും. ഇതിനായി പ്രത്യേകം ഐക്കണുകള് നല്കും.