വാട്സ്ആപ്പ് ലാപ്ടോപ്പിലോ ഡെസ്ക്ടോപ്പിലോ ഉപയോഗിക്കാനായിട്ടാണ് വാട്സ്ആപ്പ് വെബ് എന്ന സേവനം ഉപയോഗിക്കുന്നത്. ബ്രൌസറില് വാട്സ്ആപ്പ് വെബ് എടുത്ത് ലോഗിന് ചെയ്താല് നിങ്ങളുടെ ഫോണിലെ വാട്സ്ആപ്പ് അതേപടി കമ്പ്യൂട്ടറിലും ലഭ്യമാക്കുന്ന സംവിധാനത്തില് നിരവധി സവിശേഷതകള് കമ്പനി അവതരിപ്പിച്ചിരുന്നു. ജോലി ചെയ്യുമ്പോഴും മറ്റും കമ്പ്യൂട്ടറില് തന്നെ വാട്സ്ആപ്പ് ആക്സസ് ചെയ്യാന് സാധിക്കുന്നു എന്നത് ഏറെ ഉപയോഗപ്പെടുന്ന ഫീച്ചറാണ്. ഇതുവരെ നമ്മുടെ ഫോണും കമ്പ്യൂട്ടറും ഇന്റര്നെറ്റില് കണക്ട് ചെയ്താല് മാത്രം ലഭിക്കുന്ന ഫീച്ചറായിരുന്നു വാട്സ്ആപ്പ് വെബ്. എന്നാല് ഇനി മുതല് ഫോണില് ഇന്റര്നെറ്റ് കണക്ഷന് ഇല്ലെങ്കിലും വാട്സ്ആപ്പ് വെബ് ലഭ്യമാകും.
എങ്ങനെയെന്ന് നോക്കാം… ഇതിനായി കണക്ഷന് ഉള്ള സമയത്ത് തന്നെ നിങ്ങള് ലാപ്ടോപ്പിലോ ഡെസ്ക്ടോപ്പിലോ ലോഗിന് ചെയ്യേണ്ടതുണ്ട്. ഇന്റര്നെറ്റ് കണക്ഷന് ഇല്ലാതെ ഡിവൈസുകള് ലോഗിന് ചെയ്യാന് സാധിക്കില്ല. ഇത്തരത്തില് ലിങ്ക് ചെയ്ത് കഴിഞ്ഞാല് പിന്നീട് സ്മാര്ട്ട്ഫോണ് ഇല്ലാതെ തന്നെ ഇന്റര്നെറ്റ് ഉപയോഗിക്കാന് സാധിക്കും.
ചെയ്യേണ്ടത് ഇത്രമാത്രം
• നിങ്ങളുടെ ഫോണില് വാട്സ്ആപ്പ് തുറന്ന് സ്ക്രീനിന്റെ മുകളില് വലത് കോണിലുള്ള മൂന്ന് ഡോട്ടുകളുള്ള ഐക്കണില് ടാപ്പ് ചെയ്യുക.
• ലിങ്ക്ഡ് ഡിവൈസ് എന്ന ഓപ്ഷനില് ടാപ്പ് ചെയ്ത് ‘മള്ട്ടി-ഡിവൈസ് ബീറ്റ’യില് വീണ്ടും ടാപ്പ് ചെയ്യുക. ഇത്രയും ചെയ്താല് ഈ ഫീച്ചര് എന്താണെന്ന് വിശദീകരിക്കുന്ന ഒരു പേജ് വാട്സ്ആപ്പ് കാണിച്ച് തരും.
• ‘ജോയിന് ബീറ്റ’ എന്ന ബട്ടണില് ടാപ്പ് ചെയ്ത് ‘കണ്ടിന്യൂ’ ബട്ടണ് അമര്ത്തുക. ക്യൂആര് കോഡ് സ്കാന് ചെയ്തുകൊണ്ട് നിങ്ങളുടെ സ്മാര്ട്ട്ഫോണ് വാട്സ്ആപ്പ് വെബിലേക്ക് ലിങ്ക് ചെയ്യാന് സാധിക്കും.
ഈ ഫീച്ചര് പ്രവര്ത്തിക്കാത്ത സാഹചര്യങ്ങള്
• വാട്സ്ആപ്പിന്റെ വളരെ പഴയ പതിപ്പ് ഉപയോഗിക്കുന്ന ഡിവൈസുകളില് ഈ പുതിയ ഫീച്ചര് സപ്പോര്ട്ട് ചെയ്യില്ല.
• ഈ ലിങ്ക് ചെയ്ത കമ്പാനിയന് ഡിവൈസുകളില് ചില ഫീച്ചറുകള് പ്രവര്ത്തിക്കില്ല, ഉദാഹരണത്തിന് കമ്പാനിയന് ഡിവൈസുകളില് ലൈവ് ലൊക്കേഷന് കാണുക പോലുള്ള ഫീച്ചറുകളാണ് പ്രവര്ത്തിക്കാത്തത്.
• വാട്സ്ആപ്പ് വെബില് നിന്നുള്ള ലിങ്ക് പ്രിവ്യൂകളുള്ള മെസേജുകളെ ഇത് സപ്പോര്ട്ട് ചെയ്യില്ല. കൂടാതെ കമ്പാനിയന് ഡിവൈസുകളില് ഒരു ബ്രോഡ്കാസ്റ്റ് ലിസ്റ്റ് ക്രിയേറ്റ് ചെയ്യാനോ കാണാനോ സാധിക്കില്ല