തിരുവനന്തപുരം:തിരുവനന്തപുരം കോര്പറേഷന് മേയര് ആര്യാ രാജേന്ദ്രനെതിരെ വിവാദ പ്രസ്താവനയുമായി കെ. മുരളീധരന് എം പി. ആര്യാ രാജേന്ദ്രനെതിരെ കാണാന് നല്ല സൗന്ദര്യമുണ്ട്. എന്നാല് വായില്നിന്ന് പുറത്തുവരുന്നത് കൊടുങ്ങല്ലൂര് ഭരണിപ്പാട്ടിനേക്കാള് ഭയാനകമായ ചില വര്ത്തമാനങ്ങളാണെന്ന് മുരളീധരന് പറഞ്ഞു. കോണ്ഗ്രസ് കോര്പറേഷനിലെ നികുതി വെട്ടിപ്പുമായി ബന്ധപ്പെട്ട് സംഘടിപ്പിച്ച സമരത്തിനിടെയായിരുന്നു മുരളീധരന്റെ പരാമര്ശം.
മുരളീധരന്റെ വാക്കുകള്- ”ആര്യാ രാജേന്ദ്രന് ഇരിക്കുന്നത് എം പി പത്മനാഭനെ പോലുള്ളവര് ഇരുന്ന കസേരയിലാണ്. അതുകൊണ്ട് തന്നെ വിനയപൂര്വം അവരോട് ഒരു കാര്യം ഞാന് പറയാം. ദയവായി അരക്കള്ളന് മുക്കാല്ക്കള്ളനിലെ കനകസിംഹാസനത്തില് എന്ന പാട്ട് ഞങ്ങളെ കൊണ്ട് പാടിക്കരുത് എന്നാണ് എനിക്ക് പറയാന് ഉള്ളത്. കാണാന് നല്ല സൗന്ദര്യമൊക്കെയുണ്ട് ശരിയാ. പക്ഷെ വായില്നിന്ന് വരുന്നത് കൊടുങ്ങല്ലൂര് ഭരണിപ്പാട്ടിനേക്കാള് ഭയാനകമായ ചില വര്ത്തമാനങ്ങളാണ്. ഇതൊക്കെ ഒറ്റ മഴയത്തു മാത്രം കിളുത്തതാണ്. മഴയുടേത് കഴിയുമ്പോഴേക്കും സംഭവം തീരും. ”
”ഇ ൈനഗരസഭ ഇങ്ങനെ ഉള്ള ഒരുപാടു പേരെ കണ്ടിട്ടുള്ളതാണ്.മുഖ്യമന്ത്രി എന്നും തന്നെ കോര്പറേഷനിലെ കൗണ്സിലര്മാര് സമരം നടത്തുന്നതും അതിനോട് അനുബന്ധിച്ചുള്ള സമരങ്ങളും കാണുന്നുണ്ട്. എന്നാല് ഒരു വാക്കു പറയാന് ഇതുവരെ തയ്യാറായിട്ടില്ല. കാരണം മൂപ്പരുടെ സര്ക്കാര് കക്കുന്നതിന്റെ മൂന്നിലൊന്നാണല്ലോ ഇവിടെ കക്കുന്നത്. അതുകൊണ്ടു തന്നെ മുഴുക്കള്ളന് കാല്ക്കള്ളനെ കുറ്റം പറയാന് നിവൃത്തിയില്ല എന്നു പറഞ്ഞതു പോലെയാണ് ഗവണ്മെന്റ് ഇക്കാര്യത്തില് വായ തുറക്കാത്തത്. സില്വര് ലൈനുണ്ടാക്കാന് നോക്കുകയാണ് മൂപ്പര് പിന്നെ്. അതില് എത്രകോടി അടിച്ചുമാറ്റാം എന്നാണ് മൂപ്പര് നോക്കുന്നത്”- മുരളീധരന് പറഞ്ഞു.