തിരുവനന്തപുരം:കേന്ദ്ര സര്ക്കാരിന്റെ മികച്ച സുസ്ഥിര നഗര ഗതാഗത സംവിധാനത്തിനുള്ള ‘സിറ്റി വിത്ത് ദി മോസ്റ്റ് സസ്റ്റെയിനബിള് ട്രാന്സ്പോര്ട്ട് സിസ്റ്റം’ അവാര്ഡ് കേരളത്തിന് ലഭിച്ചതായി ഗതാഗതമന്ത്രി ആന്റണി രാജു അറിയിച്ചു.
കേന്ദ്ര സര്ക്കാരിന്റെ ഭവന-നഗരകാര്യ മന്ത്രാലയം നഗര ഗതാഗത മേഖലയിലെ മികവിന് ഏര്പ്പെടുത്തിയ അവാര്ഡാണിത്. കൊച്ചി നഗരത്തിലെ ഗതാഗത സൗകര്യം വര്ദ്ധിപ്പിക്കുവാന് കൊച്ചിമെട്രോ, വാട്ടര്മെട്രോ, ഇ-മൊബിലിറ്റി തുടങ്ങിയ സംവിധാനങ്ങളിലൂടെ നടപ്പിലാക്കിയ പദ്ധതികള് കണക്കിലെടുത്താണ് പുരസ്കാരം ലഭിച്ചതെന്ന് അദ്ദേഹം പറഞ്ഞു.
വിവിധ ഗതാഗത സൗകര്യങ്ങള് ഡിജിറ്റലൈസ് ചെയ്ത് സംയോജിപ്പിച്ച് കൊച്ചി ഓപ്പണ് മൊബിലിറ്റി നെറ്റ് വര്ക്ക് പദ്ധതി തുടങ്ങിയിരുന്നു. ഇത പുരസ്കാരം ലഭിക്കുന്നതിന് സഹായകരമായി. രാജ്യത്തെ വിവിധ സംസ്ഥാനങ്ങളിലെയും കേന്ദ്ര ഭരണപ്രദേശങ്ങളിലെയും ഗതാഗത സൗകര്യം വിലയിരുത്തിയാണ് ഈ അവാര്ഡ് നല്കുന്നത്.കേന്ദ്ര ഹൗസിങ്ങ് ആന്ഡ് അര്ബന് അഫയേഴ്സ് മന്ത്രി ഹര്ദീപ് സിംഗ് പുരി ഒക്ടോബര് 29ന് ഡല്ഹിയില് നടക്കുന്ന ചടങ്ങില് അവാര്ഡ് വിതരണം ചെയ്യും.