തിരുവനന്തപുരം: സംസ്ഥാനത്ത് സിനിമാ തിയേറ്ററുകള് തുറക്കാന് അനുകൂല സാഹചര്യമാണെന്ന് മന്ത്രി സജി ചെറിയാന്. ടിപിആര് റേറ്റ് കുറഞ്ഞു വരികയാണെന്നും, വാക്സിനേഷന് 90 ശതമാനത്തോളം ജനങ്ങളിലെത്തി കഴിഞ്ഞു, ഈ സാഹചര്യങ്ങള് കണക്കിലെടുത്താണ് തിയേറ്ററുകളും ഓഡിറ്റോറിയങ്ങളും തുറക്കുന്നത് പരിഗണിക്കുന്നതെന്നും മന്ത്രി വ്യക്തമാക്കി.
സംസ്ഥാനത്ത് സീരിയല് സിനിമാ ചിത്രീകരണത്തിന് അനുമതിയുണ്ട്. മാത്രവുമല്ല കോളജുകളും സ്കൂളുകളും തുറക്കാന് ഒരുങ്ങുകയാണ്. അതിനാല് തിയേറ്ററുകള് തുറക്കുന്നതും ആലോചിക്കാമെന്നാണ് സര്ക്കാര് നിലപാട്. ആരോഗ്യ വിദഗ്ധരോടടക്കം കൂടിയാലോചിച്ചതിന് ശേഷമേ സര്ക്കാര് അന്തിമ തീരുമാനമെടുക്കൂ എന്നും മന്ത്രി പറഞ്ഞു.
ആദ്യഘട്ടത്തിലെ കോവിഡ് വ്യാപനം കുറഞ്ഞപ്പോള് തിയേറ്ററുകള് തുറന്ന് പ്രവര്ത്തിച്ചിരുന്നു. എന്നാല് രണ്ടാം തംരംഗത്തില് കോവിഡ് രോഗികളുടെ എണ്ണം കുത്തനെ കൂടിയതോടെ വീണ്ടും അടയ്ക്കുകയായിരുന്നു.