മോസ്കോ: റഷ്യയിലെ പേം സര്വകലാശാലയില് വിദ്യാര്ഥി നടത്തിയ വെടിവയ്പ്പില് എട്ടുപേര് മരിച്ചു. ആറുപേര്ക്ക് ഗുരുതര പരിക്കേറ്റു. വെടിവയ്പ്പിനിടെ കെട്ടിടത്തിന്റെ ജനലിലൂടെ ചാടി രക്ഷപ്പെടാന് ശ്രമിച്ച ഇങ്ങനെയും നിരവധി വിദ്യാര്ത്ഥികള്ക്കും പരിക്കേറ്റിട്ടുണ്ട്.
പേം ക്രായി മേഖലയിലുള്ള പേം സ്റ്റേറ്റ് യൂണിവേഴ്സിറ്റിയിലാണ് സംഭവം. തിങ്കളാഴ്ച രാവിലെ കറുത്ത വേഷവും ഹെല്മറ്റും ധരിച്ച് തോക്കേന്തിയെത്തിയ അക്രമി മറ്റ് വിദ്യാര്ഥികള്ക്ക് നേരെ നിറയൊഴിക്കുകയായിരുന്നു. ഇയാളെ പിന്നീട് പോലീസ് പിടികൂടി.
തിങ്കളാഴ്ച രാവിലെ 11 മണിയോടെയാണ് പതിനെട്ടുകാരനായ വിദ്യാര്ഥി സഹപാഠികള്ക്കുനേരെ വെടിയുതിര്ത്തത്. സര്വകലാശാലയിലെ ഇന്ത്യന് വിദ്യാര്ത്ഥികള് സുരക്ഷിതരാണെന്നും സ്ഥലത്തെ ഭരണാധികാരികളുമായി ബന്ധപ്പെട്ട് വരികയാണെന്നും റഷ്യയിലെ ഇന്ത്യന് എംബസി അറിയിച്ചു. ആക്രമണത്തിന്റെ ഉദ്ദേശ്യം എന്താണെന്ന് ഇതുവരെ വ്യക്തമായിട്ടില്ല.