ന്യൂഡൽഹി: കുട്ടികളിലെ ന്യുമോണിയ ബാധയെ ചെറുക്കാൻ പുതിയ പ്രതിരോധ വാക്സിൻ വിതരണം ചെയ്യും. ന്യുമോകോക്കൽ കോൺജുഗേറ്റ് എന്ന വാക്സിൻ കുട്ടികൾക്ക് വിതരണം ചെയ്യുന്നത്. രണ്ട് വയസിൽ താഴെയുള്ള കുട്ടികൾക്കാണ് ഈ പ്രതിരോധ വാക്സിൻ നൽകുന്നത്. കേരളത്തിലും ഈ വാക്സിൻ ലഭ്യമാകും.
ഒന്നരമാസത്തിലും മൂന്നരമാസത്തിലും ഓരോ ഡോസ് വീതവും ഒരു വയസിന് ശേഷം ബൂസ്റ്റർ ഡോസുമാണ് കുട്ടികൾക്ക് നൽകുക. ന്യൂമോ കോക്കൽ ബാക്ടീരിയയാണ് പലപ്പോഴും ന്യുമോണിയ ഗുരുതരമാകാനുള്ള കാരണം. ന്യുമോണിയയും അതുമായി ബന്ധമുള്ള മറ്റ് രോഗങ്ങളും തടയാനുള്ള കഴിവ് പുതിയ വാക്‌സിനുണ്ട്. രക്തത്തിലും ചെവിയിലുമുണ്ടാകുന്ന അണുബാധയ്ക്കും മെനിഞ്ചൈറ്റിസിനും ന്യൂമോ കോക്കൽ ബാക്ടീരിയ കാരണമാകുന്നുണ്ടെന്നാണ് പഠനങ്ങളിൽ കണ്ടെത്തിയിരിക്കുന്നത്. .
കുട്ടികൾക്ക് നിലവിൽ നൽകി കൊണ്ടിരിക്കുന്ന പെന്റാവലന്റ് വാക്സിനിൽ ഹിബ് വാക്സിൻ ഉൾപ്പെടുത്തിയിട്ടുണ്ട്. ഇത് ബാക്ടീരിയ കാരണമുണ്ടാകുന്ന ന്യുമോണിയക്ക് ഫലപ്രദമാണ്.