ഇൻഡോർ: മദ്ധ്യപ്രദേശിൽ തെരുവുനായ്ക്കളെ കൂട്ടത്തോടെ കൊന്നൊടുക്കി അജ്ഞാതർ. വായിലേക്ക് ആസിഡ് ഒഴിച്ചാണ് അജ്ഞാതർ തെരുവുനായ്ക്കളെ കൊന്നൊടുക്കിയത്. മധ്യപ്രദേശിലെ ഉജ്ജയിനിയിലെ മഹാലക്ഷ്മി നഗറിലാണ് സംഭവം. തെരുവു നായ്ക്കളോട് ഇത്തരമൊരു ക്രൂരത ചെയ്തവരെ കണ്ടെത്തണമെന്നാണ് നാട്ടുകാരും മൃഗസംരക്ഷണ പ്രവർത്തകരും ആവശ്യപ്പെടുന്നത്. സെപ്തംബർ രണ്ടിനാണ് അജ്ഞാതർ തെരുവുനായ്ക്കളുടെ വായിൽ ആഡിഡ് ഒഴിച്ചത്.
അജ്ഞാതരുടെ ആസിഡ് ആക്രമണത്തിൽ പരിക്കേറ്റ നായ്ക്കളെ മൃഗസംരക്ഷകരെത്തി സമീപത്തെ മൃഗാശുപത്രിയിൽ എത്തിച്ചുവെങ്കിലും ജീവൻ രക്ഷിക്കാൻ കഴിഞ്ഞില്ല. ചത്ത നായകളെ ഉജ്ജയിൻ മുനിസിപ്പൽ കോർപ്പറേഷൻ തൊഴിലാളികൾ മറവ് ചെയ്തു. സംഭവത്തിന് പിന്നിലുള്ള കുറ്റവാളികളെ കണ്ടെത്തണമെന്നാവശ്യപ്പെട്ട് മൃഗസംരക്ഷകർ പോലീസ് സൂപ്രണ്ടിന് പരാതി നൽകിയിട്ടുണ്ട്.