കാഠ്മണ്ഡു: നേപ്പാളിനെതിരായ രാജ്യാന്തര സൗഹൃദ മത്സരത്തില് സമനില പിടിച്ച് ഇന്ത്യന് ടീം. പോരാട്ടം 1-1ന് അവസാനിക്കുകയായിരുന്നു.
ആദ്യ പകുതിയില് നേപ്പാള് മുന്നിലെത്തിയെങ്കിലും രണ്ടാം പകുതിയില് ഇന്ത്യ തിരിച്ചടിച്ച് സമനില നേടിയെടുത്തു.
കാഠ്മണ്ഡുവിലെ തൃപുരേശ്വറിലുള്ള ദശരഥ് സ്റ്റേഡിയത്തിലാണ് മത്സരം അരങ്ങേറിയത്. 36-ാം മിനിറ്റില് അഞ്ജാന് ബിസ്തയിലൂടെയാണ് നേപ്പാള് മുന്നിലെത്തിയത്. രണ്ടാം പകുതി തുടങ്ങി 60-ാം മിനിറ്റിലാണ് ഇന്ത്യ സമനില കണ്ടെത്തിയത്. അനിരുഥ് ഥാപ്പയിലൂടെയാണ് ഇന്ത്യ സ്കോര് ഒപ്പമെത്തിച്ചത്.
ഈ മാസം അഞ്ചിന് രണ്ടാം സൗഹൃദ പോരാട്ടത്തില് ഒരിക്കല് കൂടി ഇരു ടീമുകളും നേര്ക്കുനേര് മത്സരമുണ്ട്.