തെന്നിന്ത്യന് സൂപ്പര്താരം അല്ലു അര്ജുന് സോഷ്യല് മീഡിയ ഫോളോവേഴ്സിന്റെ കാര്യത്തിലും സൂപ്പര്സ്റ്റാര് തന്നെ. ഇന്സ്റ്റഗ്രാം ഫോളോവേഴ്സിന്റെ എണ്ണത്തിലാണ് താരം പുതിയ റെക്കാഡിട്ടിരിക്കുന്നത്.
13 മില്യണ് (ഒരുകോടി മുപ്പത് ലക്ഷം) പേരാണ് അല്ലുവിനെ ഇന്സ്റ്റഗ്രാമില് ഫോളോ ചെയ്യുന്നത്. ഈ നേട്ടം കൈവരിക്കുന്ന ആദ്യ ദക്ഷിണേന്ത്യന് താരമാണ് അല്ലു അര്ജുന്. തെലുങ്ക് യുവ താരമായ വിജയ് ദേവര് കൊണ്ടേയാണ് അല്ലുവിന്റെ പിന്നില്.
പുഷ്പയാണ് അല്ലുവിന്റേതായി റിലീസിനൊരുങ്ങുന്ന ചിത്രം. മലയാളി തരം ഫഹദ് ഫാസിലാണ് ചിത്രത്തില് പ്രതിനായകനായെത്തുന്നത്. രണ്ട് ഭാഗങ്ങളിലായി റിലീസ് ചെയ്യുന്ന പുഷ്പ തെലുങ്കിന് പുറമെ ഹിന്ദി, മലയാളം, തമിഴ്, കന്നഡ എന്നീ ഭാഷകളിലും ഒരുങ്ങുന്നുണ്ട്. ക്രിസ്മസിന് പുഷ്പയുടെ ആദ്യ ഭാഗം തിയേറ്ററുകളിലെത്തും.
അല്ലുവിനെ സൂപ്പര്താരമാക്കിയ സുകുമാര് സംവിധാനം ചെയ്യുന്ന പുഷ്പ നിര്മ്മിക്കുന്നത് മൈത്രി മൂവി മേക്കേഴ്സിന്റെയും മുട്ടം സെട്ടി മീഡിയയുടെയും ബാനറില് നവീന് റയര് നേനിയും വൈ. രവിശങ്കറും ചേര്ന്നാണ്. 250 കോടി രൂപയാണ് ചിത്രത്തിന്റെ മുടക്കുമുതല്.