ന്യുഡൽഹി: കോവിഡ് വൈറസിനെതിരെ വികസിപ്പിച്ച വാക്സിൻ നിർമിക്കാൻ ആഗോള തലത്തിൽ പങ്കാളികളെ അന്വേഷിച്ച് ഭാരത് ബയോടെക്. ദേശീയ മാദ്ധ്യമങ്ങളാണ് ഇക്കാര്യം റിപ്പോർട്ട് ചെയ്തത്. രാജ്യത്തിനകത്തും പുറത്തും കൊവാക്‌സിൻ വേണ്ടവർക്ക് അത് കൃത്യമായി ലഭ്യമാക്കുവാൻ സാധിക്കുന്ന വിധത്തിലുളള നിർമ്മാണ പങ്കാളികളെയാണ് കമ്പനി ഇപ്പോൾ തേടുന്നതെന്നാണ് റിപ്പോർട്ട്.
രാജ്യത്ത് ഏറ്റവും കൂടുതൽ ഉപയോഗിക്കുന്ന രണ്ടാമത്തെ കോവിഡ് വാക്സിനാണ് ഭാരത് ബയോടെക്കിന്റെ കോവാക്സിൻ. എന്നാൽ, ഭാരത് ബയോടെക്കിന് തങ്ങളുടെ വിതരണരംഗം ശക്തിപ്പെടുത്താൻ സാധിച്ചില്ലെന്ന തരത്തിലുള്ള വിമർശനങ്ങൾ ശക്തമായിരുന്നു. കേന്ദ്ര സർക്കാർ ആവശ്യപ്പെട്ട അത്രയും വാക്സിൻ വിതരണം ചെയ്യുന്നതിൽ കമ്പനി പരാജയപ്പെട്ടതിന് കാരണം ഉത്പാദനം കൂട്ടാൻ കഴിയാതിരുന്നതാണെന്നാണ് ലഭ്യമാകുന്ന വിവരം.
ഇതിന് പരിഹാരം കാണാനായാണ് കമ്പനി വാക്സിൻ നിർമ്മാണത്തിനായി അന്താരാഷ്ട്ര തലത്തിൽ പങ്കാളികളെ തേടുന്നത്.