സൈബര് ലോകത്ത് ക്രിപ്റ്റോ കറന്സികളുടെ പേരില് തട്ടിപ്പുകള് ഇപ്പോള് വ്യാപകമായിരിക്കുകയാണ്. ആപ്പുകളിലൂടെ ക്രിപ്റ്റോ കറന്സികള് പരിചയപ്പെടുത്തി നിക്ഷേപം ആകര്ഷിച്ചാണ് തട്ടിപ്പുകള് നടക്കുന്നത്.
ഇത് മുന്നിര്ത്തി, ക്രിപ്റ്റോകറന്സിയുടെ പേരില് ആളുകളെ വഞ്ചിക്കുന്ന 8 വ്യാജ ആപ്പുകള് ഉടന് തന്നെ നിങ്ങളുടെ മൊബൈല് ഫോണില് നിന്നും അണ്ഇന്സ്റ്റാള് ചെയ്യാന് നിര്ദ്ദേശം ലഭിച്ചിട്ടുണ്ട്. പ്ലേസ്റ്റോറില് നിന്നും ഇതിനോടകം ഗൂഗിള് ഈ ആപ്പുകള് നീക്കം ചെയ്തിട്ടുണ്ട്.
അപകടകരമായ മാല്വെയറുകള് അടങ്ങുന്ന 8 ആപ്പുകള് ആണ് പ്ലേ സ്റ്റോറില് നിന്ന് ഗൂഗിള് നീക്കം ചെയ്തത്. സുരക്ഷാ സ്ഥാപനമായ ട്രെന്ഡ് മൈക്രോയുടെ വിശകലനത്തെ അടിസ്ഥാനമാക്കിയുള്ള ഒരു റിപ്പോര്ട്ടില്, ഈ 8 ആപ്ലിക്കേഷനുകള് പരസ്യങ്ങളുടെ മറവില് ആളുകളെ വഞ്ചിക്കുകയാണെന്ന് വ്യക്തമായി. ഇത് മനസിലാക്കിയ ഗൂഗിള് പ്ലേ സ്റ്റോറില് നിന്നും ഈ ആപ്പുകള് നീക്കം ചെയ്യുകയായിരുന്നു.
അപകടകരമായ 8 ആപ്പുകള് ഇവയാണ്
- ബിറ്റ്ഫണ്ടുകള് – ക്രിപ്റ്റോ ക്ലൗഡ് മൈനിംഗ്
- ബിറ്റ്കോയിന് മൈനര് – ക്ലൗഡ് മൈനിംഗ്
- ബിറ്റ്കോയിന് (ബിടിസി) – പൂള് മൈനിംഗ് ക്ലൗഡ് വാലറ്റ്
- ക്രിപ്റ്റോ ഹോളിക് – ബിറ്റ്കോയിന് ക്ലൗഡ് മൈനിംഗ്
- പ്രതിദിന ബിറ്റ്കോയിന് റിവാര്ഡുകള് – ക്ലൗഡ് അധിഷ്ഠിത മൈനിംഗ് സിസ്റ്റം
- ബിറ്റ്കോയിന് 2021
- മൈന് ബിറ്റ് പ്രൊ – Crypto Cloud Mining & btc miner
*(ETH) – പൂള് മൈനിംഗ് ക്ലൗഡ്