കൊച്ചി: പാകിസ്ഥാന് ആരാധകര്ക്ക് സ്വാതന്ത്ര്യ ദിനാശംസകള് നേര്ന്ന സംവിധായകന് ഒമര് ലുലുവിന് നേരെ വിമര്ശനങ്ങളുടെ പെരുമഴ. പാകിസ്ഥാന്റെ സ്വാതന്ത്ര്യ ദിനം ആഘോഷിക്കുന്ന യുവാവിനൊപ്പമുള്ള ചിത്രത്തിനൊപ്പം തന്റെ ഫേസ്ബുക്കിലാണ് ഒമര് പാകിസ്ഥാന് ആരാധകര്ക്ക് സ്വാതന്ത്ര്യ ദിനാശംസകള് നേര്ന്നിട്ടുള്ളത്.
എന്നാല്, പോസ്റ്റിനു നേരെ കടുത്ത വിമര്ശനങ്ങളും അധിക്ഷേപ കമന്റുകളുടെ പ്രവാഹവുമാണ് ഒഴുകിയെത്തുന്നത്.
പാക്കിസ്ഥാനിലേക്ക് വിട്ടോളൂ എന്നാണ് കമന്റുകളില് അധികവും. നമ്മുടെ രാജ്യം വെട്ടിമുറിച്ചു നമ്മുടെ പട്ടാളക്കാരെ കൊന്ന നമ്മള് തകരണം എന്ന് മാത്രം ആശിക്കുന്നവരെ സ്വാതന്ത്ര്യ ദിനം ആഘോഷിക്കുന്ന ഉമ്മറെ ലേശം എങ്കിലും ഉളുപ്പ് വേണമെന്നായിരുന്നു പോസ്റ്റിനു താഴെ വന്ന മറ്റൊരു കമന്റ്. തന്റെ പടം ഇനി പാക്കിസ്ഥാനില് റിലീസ് ചെയ്താല് മതി അവരും അനുഭവിക്കട്ടെ എന്നാണ് ഒരാള് പരിഹസിക്കുന്നത്.
ഒമര് ലുലുവിനെ അധിക്ഷേപിക്കുന്ന ഭൂരിപക്ഷം കമന്റുകള്ക്കിടയിലും ചിലര് ഇരു രാജ്യങ്ങളുടെയും സമാധാനത്തിനായും ആശംസകള് നേരുന്നുണ്ട്. പാക്കിസ്ഥാന് സഹോദരങ്ങളിലെ നന്മകള് തിരിച്ചറിഞ്ഞ പ്രവാസികളാണ് ആശംസകള് അറിയിക്കുന്നതില് ഭൂരിഭാഗവും.