കൊച്ചി: നടി ആക്രമിക്കപ്പെട്ട കേസില് സാക്ഷി വിസ്താരത്തിനായി നടി കാവ്യ മാധവന് ഇന്ന് കോടതിയില് ഹാജരാകും. കൊച്ചിയിലെ പ്രത്യേക സി.ബി.ഐ കോടതിയിലാണ് കാവ്യ ഹാജരാകുന്നത്. കഴിഞ്ഞ മേയില് കോടതിയില് ഹാജരായിരുന്നെങ്കിലും അന്ന് വിസ്താരം നടന്നിരുന്നില്ല.
കേസിന്റെ വിചാരണ പൂര്ത്തിയാക്കാന് കോടതി കൂടുതല് സമയം തേടിയിരുന്നു. എന്നാല് സുപ്രിം കോടതി 2021 ആഗസ്തില് നടപടികള് പൂര്ത്തിയാക്കാന് ആവശ്യപ്പെട്ടിരുന്നു.
കോവിഡ് രണ്ടാം തരംഗത്തെ തുടര്ന്ന് മേയില് ആഴ്ചകളോളം കോടതി അടച്ചിടേണ്ട സാഹചര്യമുണ്ടായെന്നും വിചാരണ പ്രതീക്ഷിച്ച വേഗത്തില് നീങ്ങിയില്ലെന്നും ചൂണ്ടിക്കാട്ടിയാണ് വീണ്ടും അപേക്ഷ നല്കിയത്. കേസില് 300ലധികം സാക്ഷികളാണ് ഉള്ളത്, 178 പേരുടെ വിസ്താരമാണ് ഇതുവരെ പൂര്ത്തിയായിട്ടുള്ളത്.
2017 ഫെബ്രുവരിയിലായിരുന്നു കൊച്ചിയില് നടി ആക്രമിക്കപ്പെടുന്നത്. നടന് ദിലീപ് കേസില് എട്ടാം പ്രതിയാണ്.