ടോക്കിയോ: ഒളിമ്പിക്സ് അവസാന ഘട്ടത്തിലെത്തുമ്പോള് ഇന്ത്യയ്ക്ക് ഗോള്ഫില് പ്രതീക്ഷയേകി അദിതി അശോക്. വനിതകളുടെ വ്യക്തിഗത സ്ട്രോക്പ്ലേയില് മത്സരിക്കുന്ന ഈ ഇരുപത്തിമൂന്നുകാരി ആദ്യ മൂന്നു റൗണ്ട് പൂര്ത്തിയാകുമ്പോള് രണ്ടാം സ്ഥാനത്താണ്. മുന്നിലുള്ളത് ലോക ഒന്നാം നമ്പര് താരം അമേരിക്കയുടെ നെല്ലി കോര്ദ മാത്രം.
ഒരു റൗണ്ട് മാത്രം ശേഷിക്കെയാണ് അദിതി മെഡല് പ്രതീക്ഷയുമായി രണ്ടാം സ്ഥാനത്തെത്തിയിരിക്കുന്നത്. അതേസമയം കനത്ത മഴയും കൊടുങ്കാറ്റും ഗോള്ഫ് മത്സരങ്ങള് പൂര്ത്തിയാക്കുന്നതിന് ഭീഷണിയായി മാറിയിട്ടുണ്ട്. മോശം കാലാവസ്ഥ കാരണം ഇന്നത്തെ നാലാം റൗണ്ട് മത്സരങ്ങള് ഒരു മണിക്കൂര് വൈകുമെന്ന് സംഘാടകര് അറിയിച്ചിട്ടുണ്ട്.
ഇന്ന് കളി തടസ്സപ്പെട്ടാല് ഞായറാഴ്ച നടത്തുന്ന കാര്യവും സംഘാടകര് പരിഗണിക്കുന്നുണ്ട്. എന്നാല് ഞായറാഴ്ചയും ഇതേ കാലാവസ്ഥ തന്നെയായിരിക്കുമൊണ് പ്രവചനം.
നാലാം റൗണ്ട് നടക്കാതെ വന്നാല്, ഇപ്പോഴത്തെ സ്കോര് നില വച്ച് വിജയിയെ തിരഞ്ഞെടുക്കുകയാണ് ചെയ്യുക. അങ്ങനെ വന്നാല് അദിതിക്ക് വെള്ളി മെഡല് ലഭിക്കും.