തിരുവനന്തപുരം: കോവിഡ് പിടിമുറുക്കിയിരിക്കുന്ന കേരളത്തിന് പള്സ് ഓക്സിമീറ്റര് നിര്മ്മിച്ചു നല്കി സിഇടി കോളേജ്. സംസ്ഥാനത്തെ പള്സ് ഓക്സിമീറ്റര് ക്ഷാമം പരിഹരിക്കുവാനായി കോളേജിലെ ഇലക്ട്രോണിക് ആന്ഡ് കമ്മ്യൂണിക്കേഷന് ഡിപ്പാര്ട്ട്മെന്റിന്റെ നേതൃത്വത്തില് അദ്ധ്യാപകരുടെയും പൂര്വ വിദ്യാര്ത്ഥികളുടെയും ഒരു സംഘം രൂപീകരിച്ചാണ് തദ്ദേശീയമായി നിര്മ്മാണ പ്രവര്ത്തനം നടത്തിയത്.
ഉപകരണത്തിന്റെ പ്രവര്ത്തന മികവ് ശ്രീചിത്തിര തിരുനാള് ഇന്സ്റ്റിറ്റ്യൂട്ടിന്റെ സഹായത്തോടെ പരീക്ഷിച്ച് ബോധ്യപ്പെടുകയും, വ്യാവസായികാടിസ്ഥാനത്തില് നിര്മ്മിച്ച് നല്കാന് കെല്ട്രോണിനെ ഏല്പിക്കുകയും ചെയ്തിട്ടുണ്ട്.
വികസിപ്പിച്ച പള്സ് ഓക്സിമീറ്റര് ആരോഗ്യവകുപ്പിന് കോളേജ് അധികൃതര് കൈമാറി. ആരോഗ്യമന്ത്രി വീണാജോര്ജിന് പ്രിന്സിപ്പല് ജിജി സി.വിയാണ് 100 പള്സ് ഓക്സിമീറ്ററുകള് കൈമാറിയത്.