കോവിഷീൽഡ്-സ്പുട്നിക് വി കമ്പനികളുടെ മിശ്രിത വാക്സിൻ; പരീക്ഷണം വിജയകരം, പഠനഫലം പുറത്ത്

On: July 31, 2021

ന്യൂഡൽഹി: കോവിഷീൽഡ്-സ്പുട്നിക് വി കമ്പനികളുടെ മിശ്രിത വാക്സിൻ പരീക്ഷണം വിജയകരം. വാക്‌സിനുകൾ ചേർത്ത് ഉപയോഗിക്കുന്നതുകൊണ്ട് പാർശ്വഫലങ്ങൾ ഉണ്ടാകില്ലെന്ന് പഠനങ്ങൾ വ്യക്തമാക്കുന്നു. റഷ്യൻ ഡയറക്ട് ഇൻവെസ്റ്റ്മെന്റ് ഫണ്ട് ആണ് ഇക്കാര്യം അറിയിച്ചത്. കേന്ദ്ര സർക്കാരിന്റെ വിദഗ്ധ സമിതിയും പഠന റിപ്പോർട്ടിന് അംഗീകാരം നൽകി. റഷ്യൻ വാക്സിനായ സ്പുട്നിക് വി, ആസ്ട്രാസെനേക്കയുടെ കോവിഷീൽഡ് വാക്സിൻ തുടങ്ങിയവ നൽകി നടത്തിയ പരീക്ഷണത്തെ തുടർന്നാണ് പഠന റിപ്പോർട്ട് തയ്യാറാക്കിയത്.

അസർബൈജാനിൽ 50 ആളുകളിൽ വാക്‌സിൻ പരീക്ഷണം നടത്തി. കോവിഡ് വൈറസിന്റെ കൂടുതൽ വകഭേദങ്ങൾ രൂപപ്പെടുന്ന സാഹചര്യത്തിൽ മിശ്രിത വാക്‌സിനേഷൻ പോലുള്ള പദ്ധതികൾക്ക് പ്രധാന്യമേറെയുണ്ടെന്ന് റഷ്യൻ ഡയറക്ട് ഇൻവെസ്റ്റ്മെന്റ് ഫണ്ട് അറിയിച്ചു. വാക്സിനുകളുടെ മിശ്രിതം ഉപയോഗിക്കുന്നതുകൊണ്ട് പ്രതിരോധ ശേഷി വർധിക്കുമെന്ന് പഠന റിപ്പോർട്ടിൽ വ്യക്തമാക്കുന്നു.

ഇന്ത്യ ഉൾപ്പെടെ ലോകത്ത് പല രാജ്യങ്ങളും മിശ്രിത വാക്സിനേഷൻ പരീക്ഷണങ്ങൾ നടത്തുന്നുണ്ട്. വെല്ലൂരിലെ മെഡിക്കൽ കോളേജിന് കോവിഷീൽഡ്, കോവാക്സിൻ എന്നിവയുടെ മിശ്രിതം പരീക്ഷിക്കുന്നതിന് കഴിഞ്ഞ ദിവസമാണ് അധികൃതർ അനുമതി നൽകിയത്.

Previous Post: ഡിജിറ്റൽ ഇന്ത്യ; സ്വന്തം മെസേജിംഗ് ആപ്ലിക്കേഷൻ പുറത്തിറക്കി ഇന്ത്യ

Next Post: നിയമസഭാ കൈയാങ്കളിക്കേസ്; വി.ശിവൻകുട്ടിയെയും ജനപ്രതിനിധികളെയും സംരക്ഷിക്കാൻ സർക്കാരിനു മുന്നിൽ ഒറ്റ വഴി മാത്രം

യുഡിഎഫ്, എൽഡിഎഫ് മുന്നണികളിൽ ജനങ്ങൾക്ക് രാഷ്ടീയ വിശ്വാസം ഇല്ലാതായിരിക്കുന്നു; രാജ്‌നാഥ് സിംഗ്

കൊല്ലം: യുഡിഎഫിനും എൽഡിഎഫിനുമെതിരെ ആഞ്ഞടിച്ച് കേന്ദ്രമന്ത്രി രാജ്‌നാഥ് സിംഗ്. യുഡിഎഫ്, എൽഡിഎഫ് മുന്നണികളിൽ ജനങ്ങൾക്ക് രാഷ്ടീയ വിശ്വാസം ഇല്ലാതായിരിക്കുന്നുവെന്ന് അദ്ദേഹം പറഞ്ഞു. കേരളത്തിൽ സഹകരണ മേഖലയിൽ വലിയ അഴിമതി നടക്കുന്നു. കഴിഞ്ഞ ഏതാനും മാസങ്ങളായി നടത്തിയ അന്വേഷണത്തിൽ കേരളത്തിൽ നിന്ന് 90 കോടി അഴിമതി പണം കേന്ദ്രം പിടിച്ചെടുത്തിട്ടുണ്ടെന്നും അദ്ദേഹം വ്യക്തമാക്കി. രാജ്യത്ത് ആകെ ഇത്തരത്തിൽ 17000 കോടിരൂപയാണ് സർക്കാർ പിടിച്ചെടുത്തിരിക്കുന്നത്. ഇതെല്ലാം അർഹരായവർക്ക് തിരികെ നൽകി വരികയാണ്. കേന്ദ്രസർക്കാർ കേരളത്തിനോട് ഒരു വിവേചനവും കാണിച്ചിട്ടില്ലെന്നും കേരളത്തിൽ നിന്ന് കൂടുതൽ ആളുകളെ പാർലമെന്റിലേക്ക് എത്തിക്കുകയാണ് പ്രധാനമന്ത്രിയുടെ ലക്ഷ്യമെന്നും രാജ്‌നാഥ് സിംഗ് അറിയിച്ചു. കേരളത്തിന്റെ വികസനത്തിനു വേണ്ടി അവർക്ക് ഒരുപാട് കാര്യങ്ങൾ ചെയ്യാൻ സാധിക്കും. അന്താരാഷ്ട വിഷയങ്ങളിൽ ഭാരതത്തിന്റെ നിലപാടിനായി ലോകം ഉറ്റുനോക്കുകയാണെന്നും കേന്ദ്രമന്ത്രി കൂട്ടിച്ചേർത്തു.
കുറച്ച് കാലമായി താൻ ദിവസവും കരഞ്ഞുകൊണ്ടിരിക്കുകയാണ്; ദീലീപ്

കഴിഞ്ഞ കുറച്ച് കാലമായി താൻ ദിവസവും കരഞ്ഞുകൊണ്ടിരിക്കുകയാണെന്ന് നടൻ ദീലീപ്. തന്റെ 149ാമത് സിനിമയായ പവി കെയർ ടേക്കറിന്റെ ഓഡിയോ ലോഞ്ചിൽ സംസാരിക്കവെയായിരുന്നു ദിലീപിന്റെ പരാമർശം. കണ്ണീരോടെയായിരുന്നു ദിലീപ് വേദിയിൽ സംസാരിച്ചത്. ദിലീപ് എന്റർടെയിൻമെന്റാണ് എന്നാണ് എല്ലാവരും പറയുന്നത്. ഇത്രയും കാലം ഞാൻ ഒരുപാട് ചിരിക്കുകയും ചിരിപ്പിക്കുകയും ചെയ്തു. എന്നാൽ കുറച്ചു കാലമായി താൻ കരഞ്ഞുകൊണ്ടിരിക്കുകയാണ്. ചിരിപ്പിക്കാൻ ശ്രമിച്ചുകൊണ്ടിരിക്കുന്ന തനിക്ക് നിലനിൽക്കാൻ ഈ സിനിമ ആവശ്യമാണെന്നും ദിലീപ് വ്യക്തമാക്കുന്നു. പവി കെയർ ടേക്കർ എന്ന സിനിമ തിയേറ്ററിൽ എത്തുന്നത് പ്രിയപ്പെട്ട പ്രേക്ഷകരെ മാത്രം വിശ്വസിച്ചുകൊണ്ടാണ്. ഒരു നടനെന്ന നിലയിൽ പല വേഷവും താൻ ശ്രമിക്കാറുണ്ട്. വർഷങ്ങൾക്കുമുൻപ് ഒരുപാട് നായികമാർ എന്റെകൂടെ സിനിമയിലേയ്ക്ക് വന്നിട്ടുണ്ട്. പലരുടെയും ആദ്യ നായകനാണ് താൻ. മലയാള സിനിമയിലേയ്ക്ക് അഞ്ച് നായികമാർ കൂടി പുതിയതായി വരികയാണ്. അവർ അഞ്ചുപേരും കഴിവുള്ളവരാണെന്നും ദീലീപ് പറയുന്നു. ഏപ്രിൽ 26നാണ് പവി കെയർ ടേക്കർ തിയേറ്ററുകളിൽ എത്തുന്നത്. അഞ്ചു പുതുമുഖ നായികമാരാണ് ചിത്രത്തിലുള്ളത്. ജോണി ആന്റണി, രാധിക ശരത് കുമാർ, ധർമജൻ ബോൾഗാട്ടി, സ്പടികം ജോർജ് തുടങ്ങിയവരാണ് മറ്റ് താരങ്ങൾ. ഗ്രാൻഡ് പ്രൊഡക്ഷൻസിന്റെ ബാനറിൽ ദിലീപ് ആണ് ചിത്രം നിർമ്മിക്കുന്നത്.
വോട്ടിന് വേണ്ടി സനാതന ധർമ്മത്തെ അപമാനിക്കുകയാണ്; രാഹുൽ ഗാന്ധിക്കെതിരെ പ്രധാനമന്ത്രി

ന്യൂഡൽഹി: ഇന്ത്യ സഖ്യത്തിനെതിരെ ആഞ്ഞടിച്ച് പ്രധാനമന്ത്രി നരേന്ദ്രമോദി. ദ്വാരകയിൽ സമുദ്രത്തിനടിയിൽ താൻ പ്രാർത്ഥിച്ചതിനെ കോൺഗ്രസ് നേതാവ് രാഹുൽ ഗാന്ധി അധിക്ഷേപിച്ചെന്നും, വോട്ടിന് വേണ്ടി സനാതന ധർമ്മത്തെ അപമാനിക്കുകയാണെന്നും അദ്ദേഹം കുറ്റപ്പെടുത്തി. ഇന്ത്യ സഖ്യം സനാതന ധർമ്മത്തെ വെറുക്കുന്നുവെന്നും വോട്ട് ബാങ്കിന് വേണ്ടി പതിറ്റാണ്ടുകൾ പഴക്കമുള്ള വിശ്വാസത്തെയാണ് രാഹുലുൾപ്പടെയുള്ള നേതാക്കൾ തള്ളിപ്പറയുന്നതെന്നും അദ്ദേഹം ആരോപിച്ചു. ഉത്തർപ്രദേശിലെ അമ്രോഹയിലെ റാലിയിൽ സംസാരിക്കുകയായിരുന്നു അദ്ദേഹം. പ്രാണ പ്രതിഷ്ഠാ ചടങ്ങിലേക്കുള്ള ക്ഷണം പോലും പ്രതിപക്ഷം നിരസിച്ചെന്നും മോചി ചൂണ്ടിക്കാട്ടി. രാജ്യത്തെ പ്രധാന പ്രശ്‌നങ്ങൾ അവഗണിക്കുന്ന മോദി കടലിനടിയിൽ പ്രാർത്ഥിക്കുന്നത് ചർച്ചയാക്കുകയാണെന്നായിരുന്നു രാഹുൽ ഗാന്ധിയുടെ പരാമർശം. ഈ പരാമർശത്തിനാണ് പ്രധാനമന്ത്രി മറുപടി നൽകിയത്. ാണ് രാഹുലിന് മോദിയുടെ മറുപടി. അതേസമയം, പ്രധാനമന്ത്രിക്കെതിരെ കോൺഗ്രസ് അധ്യക്ഷൻ മല്ലികാർജുൻ ഖർഗെയും വിമർശനം ഉന്നയിച്ചു. മോദിയുടെ ഹിന്ദുത്വം പട്ടിജാതി പട്ടികവർഗ വിഭാഗക്കാർക്ക് എതിരാണെന്നായിരുന്നു അദ്ദേഹത്തിന്റെ പരാമർശം. രാജ്യത്തെ പ്രഥമ വനിതയായ രാഷ്ട്രപതി ദ്രൗപദി മുർമുവിനെയും, മുൻ രാഷ്ട്രപതി രാംനാഥ് കോവിന്ദിനെയും പ്രാണ പ്രതിഷ്ഠാ ചടങ്ങിലേക്കും പുതിയ പാർലമെന്റ് ഉദ്ഘാടനത്തിനും ക്ഷണിക്കാഞ്ഞത് അവർ ദളിതരായതുകൊണ്ടാണ്. താൻ രാമക്ഷേത്രത്തിൽ പോയാൽ ബിജെപി സഹിക്കുമോയെന്നും ഖാർഗെ ചോദിക്കുന്നു.
സംസ്ഥാനത്ത് സ്വർണ്ണ വില വീണ്ടും വർദ്ധിച്ചു; നിരക്ക് അറിയാം

തിരുവനന്തപുരം: സംസ്ഥാനത്ത് സ്വർണ്ണ വില വീണ്ടും വർദ്ധിച്ചു. ഗ്രാമിന് 50 രൂപയുടെ വർദ്ധനവാണ് ഇപ്പോൾ ഉണ്ടായിരിക്കുന്നത്. 6,815 രൂപയാണ് ഇന്ന് ഒരു ഗ്രാം സ്വർണ്ണത്തിന്റെ വില. പവന് 400 രൂപയാണ് വർദ്ധിച്ചത്. 54,520 രൂപയാണ് ഒരു പവൻ സ്വർണ്ണത്തിന്റെ വില. സ്വർണ്ണവിലയിൽ ഈ മാസം വലിയ വർദ്ധനവാണ് രേഖപ്പെടുത്തിയിരിക്കുന്നത്. ഈ മാസം മാത്രം പവന് 3,840 രൂപയുടെ വർദ്ധനവ് ഉണ്ടായിട്ടുണ്ട്. രാജ്യാന്തര വിപണിയിലെ വിലവർധനവാണ് കേരളത്തിലും വില കൂടാൻ കാരണം. പലിശ നിരക്കിൽ മാറ്റമില്ലാതെ തൽസ്ഥിതി തുടരുമെന്ന യുഎസ് ഫെഡറൽ റിസർവിന്റെ പണനയ പ്രഖ്യാപനമാണ് ഇപ്പോഴത്തെ സ്വർണ്ണവില വർദ്ധനവിന് കാരണം. നിക്ഷേപകർ വലിയതോതിൽ സ്വർണ്ണത്തിൽ താൽപ്പര്യം കാട്ടുന്നതും വിലവർദ്ധനയ്ക്ക് കാരണമായിട്ടുണ്ട്. ഏപ്രിൽ മാസം വലിയ വർദ്ധനവാണ് സ്വർണ്ണവിലയിൽ ഉണ്ടായത്. ഈ മാസം ഒന്നിന് 50,880 രൂപയായിരുന്നു ഒരു പവൻ സ്വർണ്ണത്തിന്റെ നിരക്ക്. ഏപ്രിൽ രണ്ടിന് ഒരു പവൻ സ്വർണ്ണത്തിന്റെ വില 50,680 രൂപയായിരുന്നു. ഏപ്രിൽ മൂന്നിന് 51,280 രൂപയായിരുന്നു ഏപ്രിൽ നാലിന് 51,680 രൂപയും ഏപ്രിൽ അഞ്ചിന് 51,320 രൂപയുമായിരുന്നു വില. ഏപ്രിൽ ആറിനും ഏഴിനും 52280 രൂപയായിരുന്നു നിരക്ക്. ഏപ്രിൽ എട്ടിന് ഒരു പവന്റെ വില 52,520 രൂപയായി വർധിച്ചു. ഏപ്രിൽ 11 ന് 52,960 രൂപയും ഏപ്രിൽ 12 ന് 53,760 രൂപയും ഏപ്രിൽ 13 നും ഏപ്രിൽ 14 നും 52,260 രൂപയുമായിരുന്നു നിരക്ക്. ഏപ്രിൽ 15 ന് 53,640 രൂപയായിരുന്നു ഒരു പവൻ സ്വർണ്ണത്തിന്റെ വില. അതേസമയം, പശ്ചിമേഷ്യൻ സംഘർഷം കനത്തതോടെ എണ്ണ വിലയിൽ കുതിപ്പുണ്ടായി. ബ്രെന്റ് ക്രൂഡ് വില 90 ഡോളറിലേക്കെത്തി. ഇന്ന് മാത്രം ക്രൂഡ് വിലയിൽ രണ്ടര ശതമാനത്തിന്റെ വർദ്ധനവാണ് രേഖപ്പെടുത്തിയത്.
നിമിഷ പ്രിയയുടെ മോചനം; ചർച്ചകൾക്കായി അമ്മ ശനിയാഴ്ച്ച യെമനിലേക്ക്

ന്യൂഡൽഹി: യെമൻ പൗരനെ കൊലപ്പെടുത്തിയ കേസിൽ വധശിക്ഷയ്ക്ക് വിധിക്കപ്പെട്ട് സനയിലെ ജയിലിൽ കഴിയുന്ന നിമിഷ പ്രിയയുടെ മോചനത്തിനുള്ള ചർച്ചകൾക്കായി യെമനിലേക്ക് പോകാൻ അമ്മ പ്രേമകുമാരി. ശനിയാഴ്ചയാണ് പ്രേമകുമാരി യെമനിലേക്ക് തിരിക്കുന്നത്. സേവ് നിമിഷപ്രിയ ഇന്റർനാഷണൽ ആക്ഷൻ കൗൺസിൽ അംഗം സാമുവേൽ ജെറോമും പ്രേമകുമാരിക്ക് ഒപ്പം യമനിലേക്ക് പോകും. ശനിയാഴ്ച കൊച്ചിയിൽ നിന്ന് മുംബൈ വഴിയാണ് ഇവർ യെമനിലേക്ക് പോകുന്നത്. യെമനിലെ എഡെൻ അന്താരാഷ്ട്ര വിമാനത്താവളത്തിലേക്കാണ് മുംബൈയിൽ നിന്ന് ഇവർ ആദ്യമെത്തുന്നത്. അവിടെ നിന്ന് കരമാർഗം സനയിലേക്ക് പോകും. ഞായറാഴ്ചയോ, തിങ്കളാഴ്ചയോ ഇരുവരും സനയിലെ ജയിലിലെത്തി നിമിഷ പ്രിയയെ സന്ദർശിച്ചേക്കുമെന്നാണ് വിവരം. നിലവിൽ യെമനിലെ സർക്കാരുമായി ഇന്ത്യക്ക് ഔദ്യോഗിക നയതന്ത്ര ബന്ധമില്ല. യമനിലെ ആഭ്യന്തര സാഹചര്യങ്ങൾ കാരണം എംബസി ജിബൂട്ടിയിലേക്ക് മാറ്റിയിരിക്കുകയാണ്. ഈ സഹചര്യത്തിൽ സേവ് നിമിഷ പ്രിയ ആക്ഷൻ കൗൺസിലാണ് യെമനിലെ ചർച്ചകൾക്കുള്ള ക്രമീകരണങ്ങൾ നടത്തുന്നത്. അഭിഭാഷകൻ കെ.ആർ. സുഭാഷ് ചന്ദ്രനാണ് നിമിഷ പ്രിയയയുടെ അമ്മയ്ക്ക് വേണ്ടി ഡൽഹി ഹൈക്കോടതിയിൽ കേസ് നടത്തുകയും, വിദേശകാര്യ മന്ത്രാലയവുമായി ആശയവിനിമയം നടത്തുകയും ചെയ്തിരുന്നത്. നിമിഷപ്രിയയുടെ കുടുംബം യെമൻ സന്ദർശിച്ചാൽ അവിടുത്തെ സൗകര്യങ്ങൾ ഒരുക്കാൻ സർക്കാരിന് സാധിക്കില്ല എന്ന് വിദേശകാര്യ മന്ത്രാലയത്തിലെ ഡയറക്ടർ തനുജ് ശങ്കർ അമ്മ പ്രേമകുമാരിക്ക് കൈമാറിയ കത്തിൽ നേരത്തെ വ്യക്തമാക്കിയിരുന്നു.