പൃഥ്വിരാജ് നായകനായെത്തുന്ന ‘കുരുതി’ ഓണച്ചിത്രമായി ഡയറക്റ്റ് ഒടിടി റിലീസിന്.
മനു വാര്യര് സംവിധാനം നിര്വ്വഹിക്കുന്ന ചിത്രം പ്രമുഖ ഒടിടി പ്ലാറ്റ്ഫോം ആയ ആമസോണ് പ്രൈമിലൂടെ ഓഗസ്റ്റ് 11-ന് പ്രദര്ശനത്തിനെത്തും.
സോഷ്യോ പൊളിറ്റിക്കല് ത്രില്ലര് വിഭാഗത്തില് പെടുന്ന ചിത്രമാണ് കുരുതി. പൃഥ്വിരാജ് പ്രൊഡക്ഷന്സിന്റെ ബാനറില് പൃഥ്വിരാജ് തന്നെയാണ് നിര്മ്മാണം നിര്വ്വഹിച്ചിരിക്കുന്നത്.
അനീഷ് പല്യാല് രചന നിര്വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം അഭിനന്ദന് രാമാനുജമാണ്. സംഗീതം ജേക്സ് ബിജോയ്. എഡിറ്റിംഗ് അഖിലേഷ് മോഹന്. ചീഫ് അസോസിയേറ്റ് ഡയറക്ടര് ഇര്ഷാദ് പരാരി.
റോഷന് മാത്യൂസ്, ഷൈന് ടോം ചാക്കോ, മണികണ്ഠന് രാജന്, മുരളി ഗോപി, മാമുക്കോയ, സാഗര് സൂര്യ, ശ്രിന്ദ എന്നിവരാണ് ചിത്രത്തില് പ്രധാന വേഷങ്ങള് കൈകാര്യം ചെയ്യുന്നത്.
നേരത്തെ തിയറ്റര് റിലീസ് പ്രഖ്യാപിച്ചിരുന്ന ചിത്രം കൊവിഡ് പിടിമുറുക്കിയ സാഹചര്യത്തിലാണ് ഒടിടി റിലീസ് തീരുമാനിച്ചത്.