തിരുവനന്തപുരം: ക്ഷേത്ര കവാടത്തിന് മുന്നിലായി ‘കേരളത്തിന്റെ ദൈവം’ എന്ന അടിക്കുറിപ്പോടെ മുഖ്യമന്ത്രിയുടെ ഫ്‌ളക്‌സ് സ്ഥാപിച്ച വിഷയത്തിൽ പ്രതികരണവുമായി നടൻ ഹരീഷ് പേരടി. വരുന്ന ഫാസിസ്റ്റുകൾക്ക് മുഴുവൻ കൂട്ടത്തോടെ മെമ്പർഷിപ്പ് കൊടുക്കുമ്പോൾ ഇത്തരം ദുരന്തങ്ങൾ സ്വാഭാവികമാണെന്ന് അദ്ദേഹം വിമർശിച്ചു. ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം.
സ്വയം വിമർശനങ്ങൾക്ക് വിധേയമാകുന്ന പുരോഗമന രാഷ്ട്രിയ വിദ്യാഭ്യാസത്തിന് ഊന്നൽ കൊടുക്കുമ്പോൾ വരുന്നവരെ തിരിച്ചറിയാൻ പറ്റും. അറിവിനേക്കാൾ പ്രധാനമാണ് തിരിച്ചറിവെന്നും ഹരീഷ് പേരടി വ്യക്തമാക്കി.
ഫേസ്ബുക്ക് കുറിപ്പിന്റെ പൂർണ്ണരൂപം:
വരുന്ന ഫാസിസ്റ്റുകൾക്ക് മുഴുവൻ കൂട്ടത്തോടെ മെമ്പർഷിപ്പ് കൊടുക്കുമ്പോൾ ഇത്തരം ദുരന്തങ്ങൾ സ്വഭാവികമാണ്…ഫാസിസം മഹാവ്യാധിയാണ്. ആദ്യം നിങ്ങളെ പുകഴ്ത്തും. പിന്നെ നിങ്ങളെ കീഴ്‌പെടുത്തും. സ്വയം വിമർശനങ്ങൾക്ക് വിധേയമാകുന്ന പുരോഗമന രാഷ്ട്രിയ വിദ്യാഭ്യാസത്തിന് ഊന്നൽ കൊടുക്കുക. അപ്പോൾ വരുന്നവരെ തിരിച്ചറിയാൻ പറ്റും. അറിവിനേക്കാൾ പ്രധാനമാണ് തിരിച്ചറിവ്. ലാൽ സലാം.