കവരത്തി: സിനിമാ പ്രവർത്തക ഐഷാ സുൽത്താനയെ കവരത്തി പൊലീസ് ചോദ്യം ചെയ്തു. രാജ്യദ്രോഹക്കുറ്റം ചുമത്തി പ്രതിചേർക്കപ്പെട്ട കേസിലാണ് ഐഷാ സുൽത്താനയെ ചോദ്യം ചെയ്തത്. മൂന്ന് മണിക്കൂർ നേരം ചോദ്യം ചെയ്ത ശേഷം ഐഷാ സുൽത്താനയെ പോലീസ് വിട്ടയച്ചു.
ആവശ്യമെങ്കിൽ ഐഷാ സുൽത്താനയെ വീണ്ടും ചോദ്യം ചെയ്യുമെന്ന് പോലീസ് അറിയിച്ചു. മൂന്ന് ദിവസം ലക്ഷദ്വീപിൽ തുടരണമെന്നും പോലീസ് ഐഷാ സുൽത്താനയോട് നിർദ്ദേശിച്ചു.
ഞായറാഴ്ച്ച വൈകീട്ട് നാല് മണിയോടെ കവരത്തിയിലെ പോലീസ് ഹെഡ് ക്വാർട്ടേഴ്‌സിൽ അഭിഭാഷകനോടെപ്പമാണ് ഐഷാ സുൽത്താന ചോദ്യം ചെയ്യലിന് ഹാജരായത്. ചാനൽ ചർച്ചയ്ക്കിടെ നടത്തിയ ബയോവെപ്പൺ പരാമർശത്തിന്റെ പേരിലാണ് ഐഷാ സുൽത്താനയ്‌ക്കെതിരെ രാജ്യദ്രോഹക്കുറ്റം ചുമത്തി കേസെടുത്തത്. ലക്ഷദ്വീപ് ബിജെപി അദ്ധ്യക്ഷനാണ് ഐഷയ്‌ക്കെതിരെ പരാതി നൽകിയത്.