മുംബൈ: മുംബൈയിൽ പോസ്റ്റ് പ്രൊഡക്ഷൻ യൂണിറ്റ് ആരംഭിക്കാനൊരുങ്ങി ഒടിടി പ്ലാറ്റ്ഫോമായ നെറ്റ്ഫ്ലിക്സ്. സ്വന്തം ഉടമസ്ഥതയിലുള്ള ആദ്യത്തെ ലൈവ് ആക്ഷൻ ഫുൾ സർവീസ് പോസ്റ്റ് പ്രൊഡക്ഷൻ യൂണിറ്റ് ആയിരിക്കും മുംബൈയിൽ ആരംഭിക്കുകയെന്ന് നെറ്റ്ഫ്ലിക്സ് അറിയിച്ചു. 40 ഓഫ്ലൈൻ എഡിറ്റിംഗ് റൂമുകൾ ഈ പ്രൊഡക്ഷൻ യൂണിറ്റിൽ ഉണ്ടാകും.
സംവിധായകർ, എഡിറ്റർമാർ, ഷോ റണ്ണർമാർ, സൗണ്ട് ഡിസൈനർമാർ തുടങ്ങിയവർക്ക് പ്രചോദനമാകുന്ന തരത്തിലുള്ള വർക്ക് സ്പേസിനായിരിക്കും തങ്ങൾ പരിഗണന നൽകുന്നതെന്ന് നെറ്റ്ഫ്ലിക്സ് വ്യക്തമാക്കി.
2022 ജൂൺ മാസത്തോടെ മുംബൈയിൽ പോസ്റ്റ് പ്രൊഡക്ഷൻ യൂണിറ്റ് ആരംഭിക്കാനാണ് നെറ്റ്ഫ്ലിക്സ് പദ്ധതിയിടുന്നത്. 2019, 20 വർഷങ്ങളിലായി ഇന്ത്യയിലെ പ്രാദേശിക പ്രോഗ്രാമിംഗിനായി 3000 കോടിയാണ് നെറ്റ്ഫ്ലിക്സ് ചെലവാക്കിയത്. നെറ്റ്എഫ്എക്സി(NetFX)നെ കുറിച്ചും കമ്പനി പ്രസ്താവനയിലൂടെ വ്യക്തമാക്കിയിട്ടുണ്ട്. ഇന്ത്യയിൽ കൂടുതൽ സാങ്കേതിക വിദഗ്ധരെ ലഭ്യമാക്കുന്നതിനായി ആരംഭിച്ച പദ്ധതിയാണ് നെറ്റ്എഫ്എക്സ്.