കമ്പം: മയക്കുവെടി വെച്ച് പിടികൂടിയ അരിക്കൊമ്പനെ തെക്കന് കേരളത്തിലെ നെയ്യാര്, ശെന്തുരുണി വനമേഖലയോട് ചേര്ന്ന് കിടക്കുന്ന അപ്പര് കോതയാര് വനമേഖലയില് തുറന്നുവിട്ടതായി തമിഴ്നാട് മുഖ്യവനപാലകന് ശ്രീനിവാസ് റെഡ്ഢി
അതേസമയം, ആരോഗ്യസ്ഥിതി മോശമായതിനാല് ചികിത്സ നല്കിയ ശേഷമാണ് തുറന്നുവിട്ടത്. ആനയുടെ മുറിവുകള്ക്ക് മതിയായ ചികിത്സ നല്കിയിട്ടുണ്ട്. ഉള്ക്കാട്ടിലേക്ക് വിട്ടെങ്കിലും റേഡിയോ കോളര് വഴി ആനയെ നിരീക്ഷിക്കുന്നത് തുടരും.
അതിനിടെ, അരിക്കൊമ്പനെ കാട്ടില് വിടരുതെന്നും കേരളത്തിന് കൈമാറണമെന്നും ആവശ്യപ്പെട്ട് എറണാകുളം സ്വദേശി റബേക്ക ജോസഫ് മദ്രാസ് ഹൈക്കോടതിയില് നല്കിയ ഹര്ജി മധുര ബെഞ്ച് ഇന്ന് പരിഗണിക്കും. കേസ് പരിഗണിയ്ക്കുന്നതു വരെ വനംവകുപ്പിന്റെ സംരക്ഷണയില് ആനയെ സൂക്ഷിയ്ക്കണമെന്ന് ഇന്നലെ കോടതി നിര്ദേശിച്ചിരുന്നു. മയക്കം വിട്ടുണരുന്ന കാട്ടാനയെ ബന്ധിച്ച് സൂക്ഷിക്കുന്നതിലെ പ്രായോഗിക പ്രശ്നങ്ങളടക്കം വനംവകുപ്പ് അറിയിച്ചതോടെയാണ് ഹൈക്കോടതി ഇന്നലെ നിര്ദേശം മാറ്റിയത്.