ക്വാലാലംപൂര്: എച്ച്. എസ് പ്രണോയ് മലേഷ്യ മാസ്റ്റേഴ്സ് ടൂര്ണമെന്റിന്റെ പുരുഷ സിംഗിള്സ് ഫൈനലില്. അതേസമയം വനിതാ സെന്സേഷന് പി.വി സിന്ധു വനിതാ സിംഗിള്സ് സെമിയില് തോറ്റ് പുറത്തായി.
പുരുഷ സിംഗിള്സ് സെമിക്കിടെ എതിരാളി ഇന്തോനേഷ്യന് താരം ക്രിസ്റ്ര്യന് അഡിനാറ്റ പരിക്കേറ്റ് മത്സരം പൂര്ത്തിയാക്കാതെ പിന്മാറിയതോടെ പ്രണോയ് ഉറപ്പിക്കുകയായിരുന്നു. ആദ്യ ഗെയിമില് പ്രണോയ് 19-17ന് മുന്നിട്ട് നില്ക്കുമ്ബോഴായിരുന്നു ക്രിസ്റ്ര്യന് പരിക്കേറ്റ് പിന്മാറിയത്. പരിക്കേറ്റ ക്രിസ്റ്ര്യനെ ശുശ്രൂഷിക്കാന് ഓടിയെത്തിയ പ്രണോയ് സ്പോര്ട്സ്മാന്ഷിപ്പിന്റ നല്ലമാതൃക ലോകത്തിന് കാട്ടിക്കൊടുത്തും കൈയടി നേടി.
വനിതാ സിംഗിള്സ് സെമിയില് ഇന്തോനേഷ്യന് താരം തന്നെയായ ഗ്രിഗോറിയ തുന്ജുംഗിനോടാണ് സിന്ധു തോറ്റത്. നേരിട്ടുള്ള ഗെയിമുകളില് 14-21,17-21നായിരുന്നു സിന്ധുവിന്റെ തോല്വി.