കോട്ടയം: എരുമേലി കണമലയില് രണ്ടുപേരെ കുത്തിക്കൊന്ന കാട്ടുപോത്തിനെ വെടിവച്ച് കൊല്ലണമെന്ന് കേരള കോണ്ഗ്രസ് (എം) ചെയര്മാന് ജോസ് കെ മാണി പറഞ്ഞു.
‘റവന്യു വകുപ്പിനും പൊലീസിനും ആശയക്കുഴപ്പം ഉണ്ടായത് ശരിയല്ല. ഭാവിയില് ഇത്തരം ദുരന്തങ്ങളുണ്ടായാല് സ്വീകരിക്കേണ്ട നടപടികള് നിര്ദ്ദേശിക്കാന് സര്ക്കാര് ഉന്നതതല സമിതി രൂപീകരിക്കണം. ജനങ്ങളുടെ ജീവന് രക്ഷിക്കണമെന്ന നിലപാടാണ് ക്രൈസ്തവ സഭ നേതൃത്വത്തിന്. റവന്യൂ ഭൂമിയിലെ ദുരന്തനിവാരണത്തിന്റെ പരിപൂര്ണ്ണമായ അധികാരം കളക്ടര്ക്കാണ്. കളക്ടറുടെ ഉത്തരവ് നടപ്പാക്കി കാട്ടുപൊത്തിനെ വെടിവെച്ചുകൊല്ലണം’- അദ്ദേഹം അഭിപ്രായപ്പെട്ടു.