തിരുവനന്തപുരം: സംസ്ഥാനത്ത് ട്രെയിൻ ഗതാഗതത്തിൽ വീണ്ടും നിയന്ത്രണം ഏർപ്പെടുത്തുന്നു. ട്രാക്കിലെ അറ്റകുറ്റപ്പണികളുടെ ഭാഗമായാണ് ട്രെയിൻ സർവ്വീസുകളിൽ നിയന്ത്രണം ഏർപ്പെടുത്തുന്നത്. മെയ് 8 മുതൽ മെയ് 30 വരെ തിരുവനന്തപുരം ഡിവിഷന് കീഴിലെ നിരവധി ട്രെയിനുകൾ ഭാഗികമായി റദ്ദാക്കിയിട്ടുണ്ടെന്ന് റെയിൽവേ വൃത്തങ്ങൾ അറിയിച്ചു. മെയ് 15 ന് എറണാകുളം- ഗുരുവായൂർ റൂട്ടിൽ സർവീസ് നടത്താൻ നിശ്ചയിച്ചിരുന്ന സ്‌പെഷ്യൽ ട്രെയിൻ എറണാകുളം- ഗുരുവായൂർ എക്‌സ്പ്രസ് റദ്ദാക്കി. മാവേലിക്കരയ്ക്കും ചെങ്ങന്നൂരിനും ഇടയിൽ 124, 111 നമ്പർ പാലങ്ങളിൽ അറ്റകുറ്റപ്പണി നടത്തേണ്ടത് കൊണ്ടാണ് നിയന്ത്രണം.
ട്രാക്ക് അറ്റക്കുറ്റപ്പണി നടക്കുന്നതിനാൽ ഭാഗികമായി റദ്ദാക്കിയ ട്രെയിനുകൾ ഇവയാണ്:
കൊല്ലം – എറണാകുളം സ്‌പെഷ്യൽ മെമു ഭാഗികമായി റദ്ദാക്കി
മെയ് 15 ന് നിലമ്പൂർ – കോട്ടയം ട്രെയിൻ അങ്കമാലി വരെ മാത്രമാക്കി.
മെയ് 8 നും 15 നും കണ്ണൂർ-എറണാകുളം എക്‌സ്പ്രസ്സ് തൃശ്ശൂർ വരെ മാത്രമാക്കി.
മെയ് 8 നും 15 നും തിരുവനന്തപുരം – ഗുരുവായൂർ ഇന്റർസിറ്റി എറണാകുളം വരെ മാത്രമേ സർവീസ് നടത്തൂ
മെയ് 9 നും 16 നും ഗുരുവായൂർ- തിരുവനന്തപുരം ഇന്റർസിറ്റി എറണാകുളത്ത് നിന്ന് പുറപ്പെടും. ഗുരുവായൂർ-എറണാകുളം റൂട്ടിൽ റദ്ദാക്കി
മെയ് 8 നും 15 നും പുനലൂർ-ഗുരുവായൂർ എക്‌സ്പ്രസ്സ് കോട്ടയം വരെ മാത്രമാണ് സർവീസ് നടത്തുക
മെയ് 15 ന് തിരുവനന്തപുരം – എറണാകുളം വഞ്ചിനാട് എക്‌സ്പ്രസ് തൃപ്പൂണിത്തുറയിൽ സർവീസ് അവസാനിപ്പിക്കും
എറണാകുളം – കൊല്ലം മെമു എക്‌സ്പ്രസ്സ് മെയ് 30 വരെ കായംകുളത്ത് യാത്ര അവസാനിപ്പിക്കും.