ന്യൂഡല്ഹി: ഗ്യാസ് സിലിന്ഡര് ബുക്ക് ചെയ്യുന്നതിനായി വാട്സ്ആപ് സൗകര്യം ഒരുക്കിയിട്ടുണ്ട്. ഭാരത് ഗ്യാസ്, ഇന്ഡെയ്ന്, എച്ച്പി ഗ്യാസ് തുടങ്ങിയ കമ്ബനികളുടെ ഉപഭോക്താക്കള്ക്ക് അവരുടെ വീട്ടിലിരുന്ന് സൗകര്യപ്രദമായി പാചക വാതകം ഓര്ഡര് ചെയ്യാന് ഈ സൗകര്യം പ്രയോജനപ്പെടുത്താം. കമ്ബനിയില് രജിസ്റ്റര് ചെയ്ത നമ്ബറിലാണ് വാട്സ്ആപ് ഉപയോഗിക്കേണ്ടത്.
വാട്സ്ആപ്പ് വഴി സിലിന്ഡര് എങ്ങനെ ബുക്ക് ചെയ്യാം?
ഇന്ഡെയ്ന് ഗ്യാസ് സിലിന്ഡര്
ഉപഭോക്താക്കള്ക്ക് 7588888824 എന്ന നമ്ബറില് ബുക്ക് ചെയ്യാം. ആദ്യം നമ്ബര് മൊബൈല് ഫോണില് സേവ് ചെയ്യുക. ശേഷം വാട്ട്സ്ആപ്പ് തുറക്കുക. സേവ് ചെയ്ത നമ്ബര് തുറന്ന് BOOK അല്ലെങ്കില് REFILL എന്ന് സന്ദേശം അയക്കുക. തുടര്ന്ന് നിങ്ങള്ക്ക് ഓര്ഡര് പൂര്ത്തിയാക്കിയതിന്റെ അറിയിപ്പ് ലഭിക്കും. സിലിന്ഡര് ബുക്കിംഗിന്റെ ഡെലിവറി തീയതിയും മറുപടിയില് സൂചിപ്പിക്കും. ഗ്യാസ് ബുക്കിംഗിന്റെ സ്റ്റാറ്റസ് അറിയാന്, STATUS, ഓര്ഡര് നമ്ബര് എന്നിവ എഴുതി അതേ നമ്ബറിലേക്ക് അയയ്ക്കണം.
എച്ച് പി സിലിന്ഡര്
കസ്റ്റമര് കെയര് നമ്ബര് 9222201122 സേവ് ചെയ്യുക. വാട്സ്ആപ്പില് പോയി സേവ് ചെയ്ത നമ്ബര് തുറന്ന് ‘BOOK’ എന്ന് അയയ്ക്കുക. ഓര്ഡര് വിശദാംശങ്ങള് മറുപടിയായി വരും. സിലിന്ഡറിന്റെ ഡെലിവറി തീയതി ഉള്പ്പെടെയുള്ള മുഴുവന് വിവരങ്ങളും ഇതില് ഉണ്ടാകും.
ഭാരത് ഗ്യാസ് സിലിന്ഡര്
ഭാരത് ഗ്യാസ് ഉപഭോക്താക്കള്ക്ക് 1800224344 എന്ന വാട്ട്സ്ആപ്പ് നമ്ബര് വഴി സിലിന്ഡറുകള് ബുക്ക് ചെയ്യാം. ഇതിനുപുറമെ, https://my(dot)ebharatgas(dot)com/bharatgas/Home/Index എന്ന വെബ്സൈറ്റ് സന്ദര്ശിച്ച് നിങ്ങള്ക്ക് വീട്ടില് പാചക വാതകം ഓര്ഡര് ചെയ്യാവുന്നതാണ്.