ആര്ആര്ആറിലെ നാട്ടു നാട്ടു ഗാനം ലോകശ്രദ്ധ നേടിയതിന്റെ കാരണം വ്യക്തമാക്കിയിരിക്കുകയാണ് സംഗീത സംവിധായകന് കീരവാണി. രാംചരണും ജൂനിയര് എന്ടിആറും ഗാനത്തില് അവതരിപ്പിച്ച നൃത്തം കൊണ്ടാണ് പാട്ടിന് ലോകശ്രദ്ധ നേടിക്കൊടുത്തത്. സിനിമാ നിരൂപകനായ ഭരദ്വാജ് രംഗന് നല്കിയ അഭിമുഖത്തിലാണ് കീരവാണി മനസ്സ് തുറന്നത്.
പാട്ടിന്റെ വരികളെഴുതിയ ചന്ദ്രബോസിനും ക്രെഡിറ്റ് നല്കാനും കീരവാണി മറന്നിട്ടില്ല. ആദ്യ രണ്ട് വരികളിലെ പ്രാസം വളരെ രസകരമാണ്. അതാണ് പാട്ടിനെ ആകര്ഷമാക്കിയതെന്നും അദ്ദേഹം പറഞ്ഞു. പാട്ട് കമ്ബോസ് ചെയ്യുമ്ബോഴൊന്നും ഓസ്കര് പ്രതീക്ഷിക്കാവുന്ന തരത്തിലുള്ള സൃഷ്ടിയായി മനസ്സില്പോലും കരുതിയിരുന്നില്ല, പാട്ടിനെ കുറിച്ച് രാജമൗലി സംസാരിക്കുമ്ബോള് തന്നെ ഒരു ഡാന്സ് നമ്ബര് വേണമെന്ന് അദ്ദേഹത്തിന് നിര്ബന്ധമുണ്ടായിരുന്നുവെന്നും കീരവാണി പറഞ്ഞു.
95-ാമത് ഓസ്കര് പുരസ്കാരത്തില് മികച്ച ഒറിജിനല് ഗാനത്തിനുള്ള പുരസ്കാരമാണ് നാട്ടു നാട്ടു എന്ന ഗാനത്തിലൂടെ എംഎം കീരവാണിയും ചന്ദ്രബോസും സ്വന്തമാക്കിയത്. ഗാനത്തിന് ഗോള്ഡന് ഗ്ലോബ് പുരസ്കാരവും ലഭിച്ചിരുന്നു. നാട്ടു നാട്ടുവിലെ നൃത്തം അനുകരിച്ചുള്ള ഡാന്സ് വീഡിയോകള് ഇപ്പോഴും ട്രെന്ഡിങ്ങാണ്. 2022 മാര്ച്ച് 25ന് റിലീസ് ചെയ്ത ആര്ആര്ആര് ഇന്ത്യയില് വലിയ വിജയമാണ് നേടിയത്. തെലുങ്ക്, തമിഴ്, കന്നട, ഹിന്ദി, മലയാളം എന്നിങ്ങനെ സിനിമ അഞ്ച് ഭാഷകളിലാണ് ചിത്രം എത്തിയത്.