തിരുവനന്തപുരം: ഉന്നത വിദ്യാഭ്യാസ വകുപ്പിന് കീഴിലുള്ള അഡീഷണൽ സ്കിൽ അക്ക്വിസിഷൻ പ്രോഗ്രാം കേരള ( അസാപ്പ് കേരള) ഗ്രാജുവേറ്റ് ഇന്റേൺ തസ്തികകളിലേക്ക് അപേക്ഷ ക്ഷണിച്ചു. മൂന്നുവർഷ ബിരുദം പൂർത്തിയാക്കിയ, 30 വയസ്സിന് താഴെ പ്രായമുള്ളവർക്ക് അപേക്ഷിക്കാവുന്നതാണ്.
ഒരു വർഷത്തേക്കുള്ള കരാർ നിയമനമാണ്. മാസം 12,500 രൂപ സ്റ്റൈപ്പന്റായി ലഭിക്കും. താത്പര്യമുള്ളവർക്ക് dpmtvm@asapkerala.gov.in എന്ന ഇ – മെയിൽ ഐഡിയിൽ അപേക്ഷിക്കാവുന്നതാണ്. കൂടുതൽ വിവരങ്ങൾക്ക് ഫോൺ: 9495999646. അപേക്ഷ നൽകേണ്ട അവസാന തീയതി മാർച്ച് 24.