കൊല്ലം: കൊല്ലം ജില്ലാ ഖാദി ഗ്രാമ വ്യവസായ ഓഫീസിന്റെ നിയന്ത്രണത്തിലുള്ള രാമൻകുളങ്ങര, പുലിയില, നെടുങ്ങോലം നെയ്ത്ത് കേന്ദ്രങ്ങളിലേക്ക് ജോലിക്കാരെ ആവശ്യമുണ്ട്. നെയ്ത്തിൽ പരിചയമുള്ളവർക്ക് മുൻഗണന. മറ്റുള്ളവരെ പരിശീലനം നൽകി തിരഞ്ഞെടുക്കും. ഫോൺ: 0474-2743587
അതേസമയം, ഫയർ ആൻഡ് റെസ്ക്യൂ സർവീസ് വകുപ്പിൽ വനിത ഹോം ഗാർഡ് തസ്തികയിലേക്ക് അപേക്ഷിക്കാം. സൈനിക/അർധസൈനിക വിഭാഗങ്ങളിൽ നിന്നും വിരമിച്ചവർക്കും, കേരള പൊലീസ്, ജയിൽ, ഫോറസ്റ്റ്, എക്സൈസ് വകുപ്പുകളിലെ യൂണിഫോം സർവീസിൽ നിന്നും വിരമിച്ച എസ് എസ് എൽ സി/തത്തുല്യ യോഗ്യതയുള്ള ശാരീരികക്ഷമതയുള്ളവർക്ക് അപേക്ഷിക്കാം. പ്രായപരിധി 35നും 58നും മധ്യേ. അപേക്ഷ ഫോമിന് ഫയർ ആൻഡ് റെസ്ക്യൂ സ്റ്റേഷനുമായോ 9497920062 നമ്പരിലോ രാവിലെ 11 മണി മുതൽ നാല് വരെ ബന്ധപ്പെടാം. വിദ്യാഭ്യാസയോഗ്യത, സർവീസിൽ നിന്ന് വിരമിച്ച ഡിസ്ചാർജ് സർട്ടിഫിക്കറ്റ് എന്നിവയുടെ പകർപ്പുകൾ സഹിതം മാർച്ച് 31 വൈകിട്ട് അഞ്ചിനകം ജില്ലാ ഫയർ ഓഫീസിൽ സമർപ്പിക്കണം. ഫോൺ – 0474 2746200.