ഗതാഗത നിയമം തെറ്റിച്ചതിനു തമിഴ് നടൻ ദളപതി വിജയിക്ക് പിഴ. വിജയ് മക്കൾ ഇയക്കത്തിന്റെ ഭാരവാഹികളുമായി കൂടിക്കാഴ്ച നടത്തി മടങ്ങിയ വിജയ് ആരാധകരിൽ നിന്നും രക്ഷപെടുന്നതിനു വേണ്ടി രണ്ടിലധികം ഇടങ്ങളിൽ വെച്ച് ഗതാഗത നിയമം തെറ്റിച്ചു എന്നതിനാണ് പിഴ. പനൈയൂരില് നിന്ന് നീലാംഗരെയിലെ വസതി വരെ വിജയ്യെ ആരാധകര് അനുഗമിച്ചിരുന്നു.
ആരാധകര് പിന്നാലെ കൂടിയതോടെ വിജയ്യും ഡ്രൈവറും ചുവന്ന സിഗ്നല് രണ്ടിലധികം സ്ഥലങ്ങളില് തെറ്റിച്ചിരുന്നു. സിഗ്നലുകളില് വിജയ്യുടെ കാര് നിര്ത്താതെ പോകുന്ന വീഡിയോകള് സമൂഹമാധ്യമങ്ങളില് വൈറലാവുകയും ചെയ്തിരുന്നു. ഇതിന് പിന്നാലെയാണ് താരത്തിന് ഗതാഗത നിയമലംഘനത്തിന് പിഴയിട്ടത്. 500 രൂപയാണ് പിഴ.